بوصي يا ماريا انا مكنتش عاوزة اقولك تجربتي عشان بس اعصابك

كل طفل غير التاني.. انا ماشفتش الاطفال اللزيزة الي بتتعود في اسبوعين دي

بس انا ابني ماتعودش بسرعة انا كنت فاكرة انه اسبوع لشهر بالميت اوي يعني

قعد 3 شهور على ماتعود وكان زي ابنك يعملهالي بالصالون وعلى الكنب وكمان يعمل التقيلة في اي مكان ..

بس انا ماهونتش وفضلت مصممة اعلمه وكان عمره سنتين ونص وقتها .. لما بجد كانت بتجيلي ايام بحس انه متعمد يستفزني وان الدنيا كانت بتضيق بيا بما رحبت .. قعدت لحد مكمل 3 سنين وهو لسة بيتعلم

بس هو طفل يعني هو عارف انه الصح في البامبرز تيجي انتي فجأه تقوليلي ده غلط وعاوزاه يتعود بسرعة !

زائد انه بيكون مش مستوعب ان ده بول او كدا بيخرج منه .. او انه ممكن يتحكم فيه

وقعد سنة يعمل في السرير بليل

__________________