المشاركة الأصلية كتبت بواسطة ام محمد 07

اول شي لازم تتاكد يا اخي انو فعلا سعادتها مو معك، مش بس مجرد كلام منها بلحظة غضب، وتفهم منها بناء على شو هي رافضة الاستمرار بالزواج.
يااخي انا لو رجل ما بطلق، اعرف شو اللي متعبها معك وغيرو، وصدقني اعظم امراة بتحن وبتلين لما تحس أديش زوجها متمسك فيها، وبالعكس اذا تخلى عنها بسرعة بتعرف انو عمرو ما حبها في يوم.
طول بالك عليها، وسايسها، واحكيلها انك خلص رح تبعد عن اي شي بضايقها وهي بتكرهو، وان شا الله رح بتلاقيها لانت ومع الوقت بتسير تحبك، بس اهم شي الاستمرارية بمعاملتها زي ما هي حابه.
ارجو ان لا يفهم من كلامي انك تستجدي حبها، لا ابدا، بس اذا في امكانية لتصليح الوضع ليش لا، اما اذا لقيت انو هي مصرة لاسباب غير معلنه، او لامور ما بتقدر تغير فيها شي، او خارجة عن طاقتك، طلقها قبل مايسير في اولاد، بس ما تستعجل بالطلاق، لانو رح يترك كتير رواسب في قلوبكم حتى لو مافي اطفال، لانو البيت اللي بينخرب هو بيت، مو بس اذا فيه اطفال، انتو بالنهاية عشتو مع بعض، حاول أد ما بتقدر.
الله يهديك للي فيه خير..