مالك الا تشغلين نفسك بنشاط
بشهادتك
قدمي على كذا مكان توظيف
روحي التحقي بمعهد .. حتى لو مو محتاجه اسمها معرفه والعلم نور
اشغلي نفسك ...
زوجك يابنتي يحبك .. مو شرط يقعد عيونه بعيونك وماسك ايدينك و حولكم زقزقة العصافير والسماء الورديه والشلال ينسكب من ورائكم ---- اندمجت معليه
والله جد يا حور
للرجل طريقه في التعبير عن الحي تختلف عن المرأه .. معروفه هذي مفروغ منها
لما كان يحبك اول وكنتي حاساه يحبك بزياده ... هو للآن .. بس خلاص مع الوقت يصير تعود لا اكثر ولا اقل
حتى انتي هذي فتره وتعدي عليك ... وتخف وتزيد مع الوقت
احيانا والله ما اصدق انزل عند اهلي ابات عندهم ليله ثنتين .. واحس زوجي عادي عنده .. بس ما يجي ثالث يوم الا خلاص نحس ان فيه شي غلط ..
يعني لما اروح عند اهلي اقول يوووه الحمد لله .. والله اللزقه بوجيه بعض ممله .. ولما نبتعد عن بعض اقول يووووه والله البعد عن بعض شين .. وهو نفس الشي
النفس الانسانيه متقلبه كل يوم بحال .. لا تبتين في الموضوع انه خلاص ما بيحبك مثل ما كان اول
انتي بس ناقصك اطلاع والله... إقري في احوال المتزوجين وتتعلمين ..وتعرفين ان اصلا اللي كان يسويه زوجك اول زواجكم هو اللي مؤقت .. واللي يسويه الحين هذا الطبيعي ..
ارحمي شعرك يا بنتي لا تصلعين على قولتك ... ترى الرجال ما يحب القرعه ولو في سبيل التجمل له
ارجع واقول لك .. مالك الا تنشغلين بداسه او وظيفه ... في حالتك لابد ولازم وشرط ...
وانتي مع الوقت بتحسين ان انتي اللي عذبتي نفسك بنفسك
بعدين سمعت من اخصائي نفسي يقول .. فيه ناس تحب تحزن نفسها بنفسها ... لا تكوني هيك
كن جميلا ترى الكون جميلا قلبي حور