.. العزيزة ( مناحيس ) ..
.. علاقتك بأمك , حاولي تصلحينها , أنتي , أجلسي معها وقت ما تكون مروقه وهاديه , وقولي لها كل الا في قلبك عليها , ومهما كان وصار , تبقى هي امك , ومن خلال كلامك , هي طيبه وحنونه عليك , ماعدا ببعض الاوقات تتغير عليك شوي وتقلب عليك .. لذلك أفهمي منها السبب ..احيانا بعض الامهات يعبرون عن مشاعرهم لاولادهم بالعصبيه , صدقيني امك تحبك كثير , ومن حرقه قلبها عليك وعلى حالك احيانا تعاملك هالمعامله .. بس انتي لا تيئسي , حاولي تفهميها , وتحنني قلبها عليك , وتكسبيها بصفك دائما .. اجلسي معها وتفاهمي معاها ..
.. أما عن تريقة أخوانك عنك , فاوقفيهم عند حدهم , ولاتسمحي لهم ان يتريقوا عليك , فأنت وامك لستما نكته .. ضعي لهم حدود للمزح معك , لكن بهدوء , وبدون عصبيه ..
.. اما عن زوجك .. طبيعي جدا ان تشتاقي له , لانه المأة تحتاج لشخص يكون بجانبها , ويغذي مشاعر الحب والحنان عندها , ولانه بينكما أطفال , فأنت تحتاجين ان يكون بجانبك .. أتصلي به , أشركيه بيوميات أبنائه .. مثلا .. أتصلي فيه وخبريه , بكل شيء يصير لاطفاله , خليه يكون معاهم بالصورة , واطلبي منه انه يحدد يوم للاطفال يجي ياخذهم , ويطلعهم للملاهي او للحديقه , يغيروا جو , ويتعرفوا اكثر على ابوهم , ويكونوا علاقه حلوة معاه , ويعوضهم شوي عن بعده عنهم ..لا تتحملي مسؤليتهم لوحدك , دام زوجك موجود , وباستطاعته المشاركه في ذلك .. وتقدري كمان تتصلي عليه وتتركي اطفاله يكلمون بالجوال , ويسمعوا صوته ويسمع صوتهم , ويتشوق لهم ,في البدايه راح يكون الامر غريب عليكم كلكم وصعب شوي , بس بالاستمرار راح يتعودوا ويتعود هو بعد , ويمكن الله يحنن قلبه عليكم ويرجعكم ..واي شيء يحتاجون اطفالك , واتصلي فيه وخبريه , وخليه هو يجيبه , هو ابوهم , ومسؤل عنهم ..مثلا يحتاج ولدك حقيبه جديده للمدرسه بدل حقيبته القديمه اتصلي له واتركي ولدك يكلمه , ويقول له ..
.. واذا هو انسان جيد , وطيب , وحنون , سيرجعك له , بعد ان تحمليه مسؤليه اطفاله , سيعتد عليهم , وسيشتاق ان يكونوا معه ..
.. الله يسعدك ويوفقك ..