بقى التخيل مهم جدا لانه هو اللى بتقدر من خلاله انك تعرف مقاييسك ونته عاوز ايه وبيحددلك مدى وصولك للهدف المراد او الحاجة اللى انته هاتحصل عليها زى مابينا فى المثال السابق .

فى قصة شبيهة بالمعلومات السابقة وهى قصة ألسفى بلاد العجائب عندما كانت ماشية فى طريق وبعدين لقت ثلاث طرفق ادامها ومابقتش عارفه تدخل من اى طريق فسألت واحد كان قاعد هناك فابتقولة ادخل من انهى طريق يا عمو قلها انتى رايحة فين قالتله ماعرفش قالها أى طريق هايوصلك للى انتى عاوزه .

اظن القصة شرحة نفسها ، المهم :

بالظبط كده الخيال مهم جدا عشان نحدد بيه اهدافنا ومقايسنا .

الناس بالنسبة للخيال واستخدامة ثلاث انواع :

1- نوع من الناس التخيل بتاعة ايجابى واللى هو زى مابتقول كده انه نفسه يكون عنده بيت وعربية ويكون مدير ويكون مشهور وفضل يحلم ويشوف نفسه بالاشكال ديه .

2- النوع الثانى الناس اللى بتتخيل سلبى وهما دائمى الشكوى وعلى طول يشوف الخير عند الناس التانية وهو اللى مكتوب عليه الشقة ويفضل يحلم انه يحل مشكلة ويفكر فيها او يفكر ازاى يعمل مشكلة ويتخيل نفسة وهو فيها وعلى طول بيتخيل اللى هو مش عاوزة .

3- النوع الثالث من الناس مابيتخيلش اساساً وهو النوع المتجه الى المخدرات والادمان بكافة انواعة او الى من البيت للشغل ومن الشغل للبيت وطلما هيا مستورة الحمد لله طبعا الحمد لله فى كل الاحوال لكن النوع ده من الناس ماعندوش طاقة وبيحاول يحافظ على دايرة الامان الى هو فيها ولا بيزودها ولا بينقصها ولا بيعمل اى حاجة .



ياترى انته انهى نوع فيهم لو كنت التانى والثالث حول الى الاول على طول ولو كنت الاول فانت محتاج اليقين وده اللى هانتكلم فيه بعد كده .

فالخيال أساس كل حاجة زى مقال اينشتين " ان الخيال اساس العلم والمعرفة " .

قانون الجذب وقانون العقل الباطن :

قانون الجذب بيقولك ان الافكار بتصير حقائق بنفس تفاصيل الفكرة بالظبط .

قانون العقل الباطن بيقول ان الفكرة بتتوسع وتنتشر من نفس النوع .

القوانين باين الوغزى منها ومش محتاجة شرح لكنى ممكن اديك امثلة عشان تثبت فى دماغك :

هاديك مثال على نفسك ,

عمرك كان نفسك فى حاجة انها تحصل وحصلت فعلاً .

او كان نفسك فى حاجة انها ماتحصلش وحصلت بردك فعلاً.

هاوضح اكثر لو انته بتحب البامية وجات فى بالك فى يوم وكان نفسك تاكلها اوى ومن حظك ان روحت البيت فى نفس اليوم اللى كان نفسك فى البامية فيه ولقيت اوالدتك طابخة طاجن بامية عجب طبعا هاتفرح وتقول انا فعلا كان نفسى فيها وكنت فعلا عاوز اكلها اناهرده .

ده المثال الاول

المثال الثانى لو انته مابتحبش الكوسة مثلاً وكنت معزوم فى مكان ما عمال تقول فى بالك يارب مايعملوش كوسة ياريت اى حاجة غير الكوسة مش عاوز كوسة وتتفاجأ انك تروح العزومة تلاقى كل اللى على السفرة كوسة بكل اناوعها وطرقها المختلفة من محشى و طبيخ وسوتية وكل حاجة اخترعت من الكوسة موجوده على السفرة ، هاتقول فى بالك انا حاسس وعارف ان ده هايحصل عشان كده عمال اقولكم بلاش كوسة والمصيبة انهم سابوا كل حاجة فى الدنيا وعملوا الكوسة اللى انته مابتحبهاش .



تعالى نفسر المثالين مع بعض من ناحية قانون الجذب وقانون العقل الباطن :

قانون الجذب مابيشتغلش مع النفى مجرد انك ادركت الحاجة وفكرت فيها هو هايجبهالك لحد عندك وقانون العقل الباطن خلاك ماتشوفش على السفرة غير الكوسة مع ان ممكن واكيد فى سلطة مافيهاش كوسة بس عقلك خلاك تشوف الحاجة اللى انته بتفكر فيها .



الحل الامثل لاستخدام القوانين ديه بافضل صورة انك تفكر فى اللى انته عاوزة بس واللى مش عاوزة ماتفكرش فيه وماتخلهوش يجى على بالك اصلا ، مثلا لو انته مش عاوز تدخل الجيش هاتفضل تفكر انك نفسك ماتدخلش الجيش والمشكلة انك بتفكر فى الجيش نفسة فالقوانين هاتشتغل ضدك وتقولك امرك مطاع وتجبلك الجيش لحد عندك اللى انته بتفكر فيه ، لكن التفكري الصح انك تفكر انك مش عاوز تدخل الجيش ليه الاجابة عشان اشتغل وابنى مستقبلى يبقى تفكر انك هاتشتغل وتبنى مستقبلك فى الفترة اللى هاتكون فيها فى الجيش بيسطة خالص.



نفهم من كده ان لازم تكون كل افكارنا ايجابية طب ازاى هانتحكم فى افكارنا الكتير اوى ديه خصوصاً ان الواحد مننا بيجله اكتر من 60 الف فكرة فى اليوم اذاى هانمسك كل فكرة ونسألها اننتى ايجابية ولا سلبية صعب جدا .

لكن الحل بسيط جدا ربنا خالقلنا المشاعر اللى نقدر نعرف اذا كنا مبسوطين او متضايقين وعن طريقها نعرف نفسنا ونغير من افكرنا اول ماندرك ماشاعرنا تجاه الفكرة ديه .

مثال : لو انته قاعد مع نفسك بتفكر وسرحان وجاتلك فكرة او افتكرت موقف حصلك لما المدير بتاعك هزئك وسط زمايلك عشان ماعملتش الشغل اللى عليك واد ايه انته حسيت بالاحراج وسط الناس ديه ونفسك تولع فى المدير ده عشان هازئك وسط الناس ، طبعاً هاتلاقى المود بتاعك اتغير وبقيت متضايق مع ان مافيش حاجة حصلت فى الوقت ده ولو حد جه كلمك فى الوقت ده ممكن تتخانق معاه مع انه مالهوش ذنب وعملت مشكلة تانية ، طب تعالى كده نرجع بالشريط للخلف خالص من اول مابتدينا نسرح وادركنا اننا بنفكر فى فكرة رخمة عشان احنا اتضايقنا تروح على طول متخيل المدير بتاعك وهو بيكرمك وسط نفس الناس الى هزئك وسطهم وانك فرحان جدا بالمكافئة وتقدير الناس اللى حوليك هاتلاقى المود بتاعك اتغير ولو حد جه كلمك فى الوقت ده هاتكون مبسوط جدا ونته بتتكلم معاه وبردك هايروح قانون الجذب وقانون العقل الباطن هايشتغل معاك ويجبلك اللى انته بتفكر فيه .

لذلك بقولك خلى بالك من افكارك .