السلام عليكم
يعطيك العافية لمني بشوق
تدرين عندي امتحان بكرة بس اخفف من الضغط شوي لما اقرأ مواضيعك ...
وعليكم السلام ... حياك الله حبيبتي ... الله يوفقك بامتحاناتك ... واسعدني تواجدك
طيب عندي مشكلة ... الحمد لله انا مطبقه لاغلب ماذكرتيه ... ولكن زوجي صاااااااااااااامت ... لا يمدح ابدا ... انا اعرف انه معجبه ولكن لا يقول لي : ايش هالمفاجاة الحلوة ؟؟؟
شوفي حبيبتي ... ما دامك عارفه ان زوجك يعجبه اللي تسوينه له ... فالحمد لله ... واكرر حبيبتي
الرجل لا يعبر عن مشاعره مثل المرأة .. فهو يجد صعوبة في ذلك ... او انه لا يتقن فنون التعبير ..ولكنك
كزوجة ذكيه ستفهمين وتعرفين مشاعره من نظراته وتصرفاته .... واذا تبين تسمعين رأيه او تعرفين
مشاعره .. اسأليه حبيبتي .. مثلا : شو رأيك بالمفاجأة حياتي ..؟؟
تخيلي أخرتها اليوم : زوجي مسافر من خمس ايام ... وانا حاطة له في الشنطة رسالة حلوة مع تشاكلت يحبها هو ...
انتظر يقول لي ايش هالزين وهالمفاجاة ..لأ ... مستحيييييل ... لازم ارجع اقول له ماشفت شي حلو ؟؟؟ يقول اييييييييه تعرفين مشغول ونسيت اقول لك ..ز
ارسل له ايميلات شوق ورسايل على جواله ... ومستحيل يرد .... واذا قلت له .. يقول ماانتبهت ...
حبيبتي .. زوجك يردد كلمات مثل ... نسيـــت ... او ما انتبهـــت .... هل حاولتي تجلسين معه وتعرفين
شو الشيء اللي شاغل باله ... ممكن مشكلة ماديه ... او ظروف شخصية ... او تعب وارهاق ... او
حزن .... أو قلق من شيء مـــا ... نعم ردة فعله تزعل شوي ... لكن لا تحكمين عليه بأنه لا يهتم لك
ولمشاعرك .... الرجل غير المرأة ... في راسه ستين ألف شغله ... العمل البيت العيال المسئوليات
الصرف العلاقات مع الاهل والاصدقاء ... فحاولي تحاورينه ولا تهاجمينه ... احتويه حبيبتي ... واساليه
عن سبب نسيانه وعدم انتباهه..
تدرين وصلت لمرحلة احس فيها ان زوجي مايحبني ... فقط يقضي معي وقت حلو وخلاااااص ...
تعوذي من الشيطان عزيزتي فهذي كلها افكار من الشيطان ..
وقلت بنفسك ( يقضي معي وقت حلو ) ... اذا انتي تعلمين ان زوجك مرتاح ومبسوط معاك حتى لو
لم يعبر ..
من جد هالاشكااااااااااال مايشجعون ابدا ..
شجعي نفسك بنفسك ... وكما قلت سابقا ... اكثري من الرومانسية ... واكثري من الكلام الحلوو ... اكثري من الافكار الرومانسيه والتجديديه
ولكن لا تنسي ان تختاري الوقت والظرف المناسب ...
" مجرد فضفضة "