اللهم لك الحمد والشكر
بسم الله ما شاء الله ولا قوه الا بالله
خبرين عاوزين احلى زغروتين لولولولولولولولولولولولولولولولولولولولولولولولولو لو:14:لوولولولولولولولولولولولولولولولولولولولوي
الف الف الف مبروك ياريمو بجد فرحت لك من قلبي وكان نفسي ابارك لك بنفسي وحاولت اكلمك مرتين بس للاسف بتكون في اوقات متأخره وبقول يمكن تكوني نمتي ربنا يكمل لك على خير يارب ويحميلك كوكي ويقدرك عليه يارب ويرزقك بالبنوته اللي نفسك فيها فيها يارب وفعلا سبحان الله
زهورتنا حبيبتا الحمد لله ان ربنا اكرمك ان كنت حاسه انك في الفتره الاخيره رغم ما شاء الله قوه ايمانك ورجاحه عقلك اشقتي كتير للبيبي وانا مشتاقه جدا اني اسمع قصه حملك وربنا يكرمك بأخت جميله لاولادك وربنا يتم عليكي نعمته وتفرحي بيه بين ايديكي
كوكاره وزهور انا عندي ليكم طلب انا عاوزاكم تحكو للبنات قصه كفاحكم من بدايه جوازكم لأن في عاشقات جدد احس انهم متلهفين وده طبيعي محدش يقدر يلومهم طبعا لكن مفيش عندهم صبر وقالبين حياتهم نكد وهم لسه يعتبرو عرايس جداد وناسين ان بين ايديهم نعمه مش عند غيرهم وبيضيعو احلي ايام جوازهم في حساب ايام التبويض والدوره عشان يعرفو ان ربنا كريم وانه كاتب كل شيئ بميعاد
وانه لما بيريد شيئا يقول له كن فيكون وسبحان الله انتو اكبر مثال وانا طبعا كمان نحمد ربنا ونشكره على نعمته وندعيه انه ما يسيئنا في اولادنا ويكرمكهم ويعطيهم كما اعطانا عشان يتعلمو من قصصنا وتهدأ نفوسهم شويه ويعرفو ان اهم حاجه الرضا بما قسمه لنا والثقه على انه قادر والدعاء المستمر والشكر في السراء والضراء وان امر المؤمن كله خير ان خيرا فشكر فكان له خير وان شرا فصبر فكان له خير
والله يا بنات ربنا كريييييييييييييييييييييييييييييييييييييييييييييييي ييم لا تتخيلو لأي درجه فاصبرو قليلا ولكم جزاء الصابرين خير الجزاء ان شاء الله وقدامكم اكبر مثل بينا وانا واثقه ان ربنا هيكرمها احلى كرم وبكره افكركم عشوقه حبيبتنا مش عشان هي العجوزه اللي فينا على قولتها لكن ما شاء الله على ايمانها وصبرها ربنا يزيدها ويكرمها وينولها مرادها يارب وعمرها ما يأست ولا فقدت الأمل وواثقه ان ربنا هيعطيها كفايه ثوابها فينا في التجمع الهائل اللي نفث عن كثيراااااات جدا وانا واحده منهم بعتبر الناس اللي في التجمع ده جزء من اهلي وربنا يعلم معزتهم في قلبي وفرحي لفرح اي واحده منهم بحملها او حزني على اي واحده منهم لحزنها
ويا بنات انا عاوزه اقولكم على بشرى كل عاشقات حلم الامومه ان شاء الله ربنا هيكرمهم بالذريه الصالحه ياذن الله يكفي دعائنا لبعض بظهر الغيب تؤمن عليه الملائكه غير حلم قديم كانت حلمته لنا مشرفتنا الغاليه كريستالا تبقى تحكيلكم عليه بنفسها فتفائلو خيرا
انا عارفه ان انا طولت عليكم لكن انا مكنتش مرتبه اني اقولكم كل ده انا كنت ببارك لكوكاره وزهوره ولقيت الكيبورد بتكتب لوحدها ربنا يكرمكم جميعا بالذريه الصاحه ويفرح قلوبكم بالحمل الثابت وتقرو عينكم بأولادكم عاجلا غير آجل ان شاء الله قولو آآآآآآآآآآآمين
اختكم مشاميشو
التعديل الأخير تم بواسطة mashamesho ; 12-04-2010 الساعة 02:29 AM