صباح الفل يا بنات

مشمشة الله يبارك فيكى
فعلا المرتين كنت نايمة انا دلوقتى بنام ذى الفسيخة مش بحس بحاجة خالص
فين ايام السهر مع بعض لحد الفجر
اياااااااااااام


زوزة حبيبتى
انتى ليه مضيقاها كدة فى وشك
اذا محصلش ان البويضات كبرت الشهر دا يبقى ربنا مش رايد و عياطك دا مش حيعمل حاجة الا انه حيزود الامر سؤا
لان النفسية مهمة جدا
و بعدين كلام جوزك ليكى حلو بسم الله ما شاء الله
و بعدين الشهر دا مش نهاية العالم و انتى لساكى عروسة
صدقينى حتفتكرى الايام دى و حتضحكى على نفسك قوى
ربنا يكرمك و يفرح قلبك يا رب



ربنا يفك كريتك يا ام بسمة و بطمنا عليكى يا رب


دودى لما رجعتى من مصر عرفتى انك حامل؟
طيب اتفضلى انا ان شاء الله نازلة مصر الشهر اللى جاى و حستناكى فى مطار القاهرة
اذا كان مصر سرها باتع كدة
مش تنزلى تانى عشان تتظبطى هناك؟
ربنا يكرمك و يفرح قلبك يا رب



بنات فى خبر حلو عاوزة اقولهلكم

فى واحدة صاحبتى حملت بعدى بشهرين لما كنت حامل فى كريم بحقن مجهرى
و كانت دى المحاولة التاتلة ليها و كل مرة كانو بيفتحو الخصية عند جوزها عشان يخرجو حيوان منوى سليم
يعنى السائل المنوى مكانش فيه
و هى بقى عندها تكيس + بطانة رحم مهاجرة
و الدكتور قالهالها صراحتا نسبة الحمل عندكم لا تتعدى 7%
ايه رايكم انها حملت
بس مع الاسف طلع حمل خارج الرحم و لما جم ينزلوه اكتشفو انها حامل فى 2 واحد جوا الرحم و واحد برا الرحم
بس اللى جوا الرحم طلع حاجة اسمها حمل عنقودى
المهم فى قصتى انها رغم مشاكلها و رغم ان جوزها كل مرة ميطلعش حيوان منوى فى السائل المنوى الا انها حملت برضو
و اذا حصل المرة دى برا الرحم ان شاء الله الامل فى انه يحصل المرة اللى جاية جوا الرحم كبير

مافيش حاجة بعيدة عن ربنا يا بنات
بس انتو متضيعوش عمركم فى هم و حزن و انتو رزقكم فى السماء و ما توعدون
بس ريحو اعصابكم و استفادو بالايام الحلوة الىل مع ازواجكم من غير رضاعة و بامبرز بالعبيط و عدم نوم و و و و كله جاى فى وقته ان شاء الله
فلحد ما يجى استمتعو بالايام الخوالى



ربنا يفرح قلبوكم كلكم يااااااااااااااا رب



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة