والله ياخوي حاااااولت مرااات كثيرة معاه .. واذا فكر يرجع يجلس معانا وتلاحظ عليه كنه جالس غصب .. كنت اكلمه واتفاهم معاه واقول له بيتك وزوجتك اهم من كل شي .. راعينا احنا محتاجينك كرجل وأب يحمينا ويشوف طلباتنا ،، لكن يعصب ويزعل ويقوم يطلع من البيت وهالشي يخليني اسكت عنه وافقد الامل فيه ..
على فكرة تراني حتى امور اللي المفروض هو يسويها للبيت كرجل اقوم فيها انا ( يعني انا اسويها ) اذا بغيت اشتري حاجات البيت ومستلزماته اطلع لحالي اشتريهم من السوبر ماركت وينكسر خاطري لما اشوف الحريم معاهم ازواجهم وهم يشترون حاجات بيوتهم لكن انا لحالي افتر واشتري كل شي بنفسي ..
ولو فكرت بعشى من بره .. اضطر انا اطلع اشتري عشى لي ولعيالي .. ويرجع من بره حتى مايسأل ها تعشيتوا او لا او حتى يدق جواله ويسأل محتاجة شي انتي ولعيال عشان اجيب معي ..
وحاااولت الفت نظره الى هالنقطة واقول له ياليت تحاول تدق علي وتشوف طلباتي وطلبات لعيال لان انا اتعب لحالي وما الحق على كل شي .. ساعدني تكفى .. لكن وربي يسكت عني ولا حتى يناقش ولا يقول ثلث الثلاثة كم ..


رغم هذا وانا صابرة .. لكن مو الصبر له حدووود ؟؟؟

انا بشر مو حجر .. ولي حقوق زي ماهو له حقوق ..

تعب والله تعب

__________________