بصراحه بصراحه
انت انسان تحب تتدقق بطريقه عجيبه
تبغى البنت على كيفك و على مزاجك
تكلمك على كيفك تفكر على كيفك
لا و كمان تبى تربيها
لما انت يكون عندك احساس ان البنت ناقصها تربيه
اكيد الاحساس دا بيوصل للبنت
و طبيعي ماراح تكون هينه و لينه معاك
و بعدين البنت صغيره
تقول كلام كتير ماتقصده
و طبيعي ماتتصل يوم و يومين لانها صغيره
عندها اشياء ممكن تكون تافهه بالنسبالك تشغلها
بما انها صغيرة لابد تكون حليم
لا تحاسبها على تصرفتها و كلامها
الا اذا اخطأت خطاء كبير(هدا التعامل مفروض يكون بين اي زوجين بس زياده حبتين اذا كان الزوجه صغير)
انت مش ابوها عشان تعلمها كيف تتعامل مستحيل اي انسانه تقبل ان زوجها يعدل سلوكها و يعتبرها محتاجه للتربيه
و لا بد تقبل البنت بعيوبها
اذا مو قادر تقبل عيوبها ماينفع يستمر الزواج
لانها انسانه لها احترام
زي ماانت ماتقبل تنتقدك و تعدل تصرفاتك او تعتبرك محتاج تربيه
هيا كمان ماتقبل
كون انها صغيرة لا يعني انك تلغي احترامها
بما انك قبلت انها تكون زوجتك و ام اولادك
معناه لابد تنظرلها على انها انسانه مسؤوله و محترمه
و بالنسبه لقلها من الحلم فهدا شي طبيعي كتير ناس يقلقوا من الاحلام خصوصا اذا فسرها لها شيخ
احترم عقلها
وبعدين اقنعها تتوكل على الله
اذا مااحترمتها عمرها ماراح تتعامل معاك باحترام
__________________
يوم مشرق أخر
التعديل الأخير تم بواسطة يوم مشرق أخر ; 13-04-2010 الساعة 04:04 PM