صباح الفل يا قمرات

يا رب يكون الكل بخير


بسومة حبيبتى
انا ححكيلك عن حاجة فى اول جوازى زعلت من جوزى و سبت البيت برضو الساعة واحدة صباحا و قعدت عند اهلى 3 ايام و برضو هو مسالش و ولا الهوا
بس خالى قالى كلمة
البيت بيت الست مش هى اللى تخرج منه هو مش عاجبه يخرج هو انتى ارجعى و شوفى حيعمل ايه
عاوزة اقولك انا رجعت و فى نفس اليوم اتعاتبنا و كل شئ انتهى
بس قعدت فترة شايلة منه انه مسألش عليا
بس بعد "العشرة" فهمت حاجة عن جوزى هو ميقدرش يصالح حد خاااااااااااالص حتى مامته اللى عاوز يزعل ماشى يزعل بس هو ميحاولش يصالح حد و كمان اللى زعلان منه بيتجنبه خالص عشان ميحصلش عتاب حتى
تقريبا بيتكسف اه و اللهى مش بهزر
بس اللى عاوزة اقولهولك ان ممكن جوزك مسالش مش عشان مش بيحبك ولا عشان مش عاوزك ولا ولا ولا لأ دى طبيعته كدة
و عندنا مثل فى مصر بيقول "الست تعشش و الراجل يطفش"
انتى شوفى عاوزة ايه فى حياتك مش هو عاوز ايه ولا مديكى مساحة لايه
عاوزاة و عاوزة تستمر حياتك معاه يبقى مش بمزاجه
غصبن عن بوزه حنتصالح و غصبن عن بوزه حنعيش مع بعض و متنسيش ربنا لما قال علينا "ان كيدهن عظيم"
انا مش عاوزاكى تقعدى حاطة ايدك على خدك و مستنياه هو يعمل طب ما دى حياتك برضو
حطى خطة و حددى انتى عاوزة ايه و نفذى خطتك
انا مش عاوزاكى تندمى بعدين و تقولى يا ريتنى اديته فرصة يا ريتنى كنت عملت و سويت
و ربنا يلهمك الصواب و يفك كربك يااااااااااااا رب



احلام صبرى ههههه اخت هند صبرى
اهلا بيكى معانا و منورانا و يا رب نكون وش الخير عليكى و يفرح قلبك و تفرحى قلوبنا معاكى بأذن الله
بس مش عاوزينك تغيبى عن صفحتنا


فلونا حبيبتى
تنورى المطار كله
فكرتينى بيا اول مرة ارجع اجازة مصر اول ما شفت شرم الشيخ من الطيارة قلت انا لو الطيارة فرقعت دلوقتى مش مهم على الاقل حيلمونى من مصر كنت راجعة مشتاقة جدا
بس دلوقتى اتعودت عاااااااااااااتى يا مان
بس فضل معايا انى اول ما اشوف شرم الشيخ احس قلبى بيرفرف و يا سلام بقى على المعادى هيه هيه هيه حشوف اهلى بعد اقل من ساعة
يالا هانت اهيه فاضلى شهر و نص و الايام بتجرى سبحان الله
"اهيم شوقا اعود شوقا الى نماكى و سلسبيلك"


زهورة بالنسبة للتاريخ اللى حتحطيه فى الشريط هو تاريخ ولادتك المتوقع



باقى البنات بحبكم فى الله




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة