منتدى عالم الأسرة والمجتمع - عرض مشاركة واحدة - [ عالم التغذية والطبخ ] تارت الأناناس

08-04-2010, 06:28 PM

ميــس

عضو الهيئة الطبيبة -طبيبة تشخيص مخبري

تاريخ التسجيل: Jan 2010

المشاركات: 621

[ عالم التغذية والطبخ ] تارت الأناناس

السلام عليكم و رحمة الله و بركاته

كيفكم يا أحلى صبايا و أمهات

من فترة عملت تارت أناناس و صورته و كنت حابة نزله بالمنتدى بس كان في مشكلة بتحميل الصور فتأخرت فيه لليوم

و بلا طول سيرة

رح ابدأ بالمقادير

البسكوتة
"نفس مكونات و طريقة البسكوتة الي عمتا المرة الماضية بتارت الجوز و الكرميل"

http://www.66n.com/forums/showthread.php?t=200701

2كوب طحين
4/3 كوب سكر مطحون
200 غ زبدة
بيضة واحدة
ظرف فانيلا
رشة ملح

هالمرة عملتو بالأناناس و طبعا هون بلزم نعمل كريمة باتيسر
يلي رح نفرشها تحت الأناناس

مقادير كريمة باتيسر "أخدتها من طباخة شاطرة عندنا اسمها منى"

2 كوب حليب
3/4 كوب سكر
صفار 3 بيضات
فنجان "حجم وسط " طحين
فانيلا
قشرة ليمونة

الحشو
شرائح أناناس عدد 12

"طبعا ممكن تضيفي الفاكهة الي بدك ياها متل الكيوي و الفريز و الموز و الدراق .. الخ "

طريقة كريمة باتيسر

ضعي كوب و نصف حليب مع قشرة الليمون على الناس و اتركيه حتى يغلي

في أثناء ذلك ، ضعي الطحين و السكر و الفانيلا مع باقي الحليب (نصف كوب) حركيهم مع بعض
ثم أضيفي عليهن صفار البيض
بعدها أضيفي الحليب الساخن - بعد رفع قشرة الليمون منه - على باقي المكونات
أرجعي المزيج إلى النار و حركي حتى يصير متل الكريمة

و اتركيه جانباً ليبرد ، لازم يكون شكلو متل هي الصورة

بعد ما تبرد الكريمة افرشيها على البسكويتة بهالشكل

بعدها قطعي شرائح الأناناس على شكل نصف دائرة ، ما عدا شريحة وحدة
و رتبي بهالشكل

حطيه بالبراد أو برا اذا الجو بارد و هيك بكون جاهز للتقديم

في خطوة بس أنا اختصرتها (لتقليل نسبة السكر ) و هيه

صلصة التلميع
اذا حبيتي تلمعي الفاكهة

2 ملعقة مربى
2 ملعقة جيلو
2 ملعقة ماء مغلي

هيك بكون جاهز للتقديم

ان شاء الله يكون عجبكم

و صحتين و عافية