سلام عليكم
اشتقت لكم جميعا وحده وحده
مرت علي فترة مرض ادعو لي صادتني صخونه وزكام وبلاعيمي وبعدها صادني الم اسفل قفص الصدري ولازلت اتالم منه لدرجه اني مااقدر اقوم ول حتى اصلي
بس دعائكم لي اخواتي
اختي احلام صبري اهلا وسهلا فيك بينا ويارب يكون هذا التجمع خير عليك يارب
اختي تهاني اهلا وسهلا ونورتينا وياريت تقولي لينا تفاصيلك عشان نشاركك جميعا
عزيزتي بسمه صلى على النبي واستهدي بالله ولاتخلي حواجز بينكم ومافي كرامه بين الازواج اذا هو ما بادر لاي سبب كان انتي روحي هذا زوجك وشريك عمرك وان شاءالله ابو اطفالك ونصفك الثاني مهما حصل بينكم لاتكبري الموضوع احنا صح ما نعرف المشكله بس ايا كان حجمها وعمقها اكيد في لها حل وما تيأسي من رحمه الله
لاتتنازلي عن حياتك وبيتك لمجرد رياح طفيفه وهذي ملح الحياه وانا اختك
بكره تنسي هذا ولما تروحي انتي وتبادري تكبري في عينه انك تحبينه ومحافظه عليه ومستحيل تتخلين عن حياتك بسهوله
ماتدري يمكن هالمشكله خير عليك ولما ترجعوا الله يرزقكم بنونو صغير يهدي النفوس
مرميس حبيبتي انتي اسئلي عن هذي المشكله وما تخوضي التجربه الا وانتي مطمنه وعندك كامل المعلومات ويارب يكون بعدها بيبي صغيرون ول توام بعد
اما جديدي انا فقلت لكم عن وعكتي الصحيه والي ان شاءالله راح تعدي على خير وان شاءالله راح ادخل التاسع بعد بكره خلاص ما بقى شي واشوف حبيبتي روح قلبي صغيرتي المرتقبه
رغم الثقل والتعب الحمل وتعب الدراسه وداخله على امتحانات نهائيه ولكن انتظرها بصبر ساعه بساعه ويوم بيوم
تكلمت واييد صح
يلله تحياتي للجميع
__________________
التعديل الأخير تم بواسطة جناح الرحمه ; 15-04-2010 الساعة 12:35 PM