جميعكم جزيتم خيرا على ردودكم وابعد عنكم كل شر ولايريكم مكرووه لا فيكم ولا في من تعزون

بصراحه اصبحت عديمة الاحساس لا ابالي في من حولي انا الان محتاجه دكتور نفساني وليس هو

وحتى ابني اصبح عصبي ويزعل من اتفه الاسباب مع انه كان جدا هادي ويحب اهلي اصبح 24 ساعه متشبث في ومتمسك حتى صلاتي اصلي وهو في يدي

جزاك الله خير ((اخي في الله))

صدقت في قوولك امه تعرف كل شي لكن هي لاتعترف اخته ذات مره تكلمت بالغلط واتكلمت عن سوالفه معاهم تقول كان يقفل الباب الخلفي للبيت بالقفل الذهبي تبع المحلات تخيل ومااخفي اعظم

ايجابيات اممممم بصراحه ملابسي وملابس طفلي من عند اهلي الشي الوحيد والحسنه الوحيده انه يجلب المعيشه يعني مثل الخبز او اكل لطفلي وبالعافيه يجيبه



برعم الورد كيف ارفع عليه قضيه بس ارووح للمحكمه وهم يرشدوني بصراحه احس ان عقلي متوقف حتى عن التفكير


همس الله يسعدك يااارب بصرراحه لي سنتين متزوجه وجلوسي فبيت اهلي اكثر من استقراري مافي احد ماكلمناه بلشنا العالم معاه يحلف ويعتذر ومااتنعاد ومااجلس شهر فبيتي الإ ضاربني وحتى فبيتي كل واحد بغرفه لان هو طلبه كذا بحجه ازعاج اولدي يقول...... وطول الليل ماينام يدخل ويخرج من البيت وحتى جيرااني واقاربي يسألون عن خروجه من البيت المتكرر احيان يخيفني ماينام اليوم كله ولمن احضر الغداء يرميه ف السفره ويروح يتغدا عند امه ,,,, وف الايام الاخيره صرت اخاف اكثر لان ف غرفته سلاح بحجة الصيد.. وفي اشياء ماتنقال لو اقوله لك ماتتخيليها... لو كرتون بسكوت او علك ف البيت غريب يسألني مئه سؤال ومن فين جاء... وجوالي احيان ياخذه معاه يعني كان بيدي وسهيت وحطيته بجيبي....انا بيتي بقريه والي حولي اقاربي لمن اروح ازور بنت خالي او بنت عمتي يجي البيت يسأل عني ويجيب اي شي يتحجج فيه عن جيته حتى يتاكد عن وجودي....ويعصب لمن ابلغ خوالي بنجازاته ((ضربه لي))مره بلغت خالي الي بنفس الوقت عمه ((جاء طاير وكان بيضرني بمرايه مربعه كبيره وكنت ارضع بس زحفت شويه وربي سلمني طاحت على الارض واتكسرت))

واخر مره ضربني ب الريموت التلفزيون واثاره موجوده الى الان على ظهري ورجل طفلي لان كان بيدي خفت عليه لان انا اتحمل لكن طفلي لا ))

المشكله الاخرى جميع ملابسي وملابس ابني ف البيت لمن طردني كنت لابسه شرشف الصلاه كنت اصلي صلاه المغرب طردني بالشرشف لكن اترجيته البس عباتي لان كنت لابسه بجامه وتخيلي وانا البس عباتي وهو يضرب

ومااني عارفه كيف لو اروح المحكمه وارفع عليه قضيه طلاق وحضانه يعطوني اذن اخذ اشيائي المهمه من بيتي حسبنا الله ونعن الوكيل

مادري وش اقول وش اترك خليه على ربك وحسبنا الله ونعم الوكيل

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(