شكرا لك اخي عزوبي بس رجل بحكيلك عن تجربتي
تزوجت و انا عمري19 سنة و سافرت وحملت بعد زواجي ب4 اشهر
وكنت انا زوجي مش متفاهمين بالمرة وحسيت انه الحمل كان كتير بدري
بس قدر الله و ما شاء فعل بس الان بتمنى لو كنا اجلنا الحمل شوي طبعا انا الان عندي 4
اطفال اكبرهم 11 سنة و الصغير سنة و نص تقريبا ورا بعض جبتهم بس ما كان عندي مجال اني
استمتع في بداية زواجي او اني اتقرب لزوجي و نفهم بعض افضل بعيد عن فكرة انة احنا لازم و
مفروض علينا انه نتاقلم مع بعض لانه في طفل بينا و النفصال صعب بوجود الطفل مع اني ما اخفيك
انه لولا الحمل المبكر كان فكرت بالانفصال بشكل جدي مش لشي بس للاختلاف الكبير بيننا في الفترة الاولى يعني تقريباسنتين لحتى اخدنا على بعض والحمدلله امورنا ماشية اما سؤالك عن اثار الحمل اذا كانت صحيحة او
دلع فبحكيلك انه كل وحدة طبيعة جسمها مختلفة عن الثابية و كمان كل حمل مختلف عن الثاني يعني بالنسبه لي في الاول ما كنت اشعر باي شي على الاطلاق لاوحام ولا الم ولا اي شي حتء لما وصلت الشهر التاسع حتى كان زوجي يسالني انتي اكيد حامل ولا لا لكن في الاحمال اللي بعد هيك بديت اتعب
شوي لكن في اخر حمل كان صعب جدا يعني اذا قعدت صعب كتير اني اقوم من الالم ما صدقت وانا اولد
حتى الولادة كانت صعبة كتير والحمد لله على كل حال