منتدى عالم الأسرة والمجتمع - عرض مشاركة واحدة - مكالمات فترة الملكة ياافرحه ماتمت !!!!

18-04-2010, 01:39 AM

شاغلني هواها

عضو جديد

تاريخ التسجيل: Apr 2010

المشاركات: 2

مكالمات فترة الملكة ياافرحه ماتمت !!!!

السلام عليكم

بالأول مساكم الله بالخير

وماعليكم بالطويله بعطيكم الزبده

انا نفر تمم الله علي وخطبت ومن ثم تملكت لي شهرين

وطرت من الفرحه
وجت ام الجيران ام نبوية وعطتنا زغروطة ماحصلتش :14:

وجانا مطر يحبه قليبكم

وكشتنا بالبر وفلينا ابو امها

ورحت لعيادة الأسنان نضبط شوي

المهم

السالفه ومابه اني بديت اكلم حبيبتي بالتلفون بعد الملكه
وحب وغزل بالحلااااااال

عاد مب هذي سالفتنا سالفتنا واأنا اخوكم

انه باقي شهر على زواجنا
وأهل البنت منعوا البنت تكلمني غصب عنها في هالشهر لاألو والا سلام !!!!!!
طبعا بعد اشعار مسبق من كم يوم مخبريني !!

والصرااحه ضاق خلقي ليه طيب لامكالمات ولاشي !!! لا وبعد ماصارات علاقتنا حاميه مرره ومكالمات يوميا !!

عاد هم يقولون عشان البنت تتفرغ لنفسها !!

هي خلصت تجهيز ميه بالميه وانا كذالك جهزت كل شي من الف الى ياء !!

ليه طيب انا لي اللحين 4 ايام فاقد صوتها
طيله هالشهرين كانت لي مثل الشمعه اللي تنور لي طريقي
كانت لي الام الاب معطتني الحنان كله والحب كله
وخصوصا ان مالي اي تجربه او علاقه بالحرام مع اي فتاه سابقا.

فهي بالنسبة لي الحب الأول والاخير.....

سؤاالي بعد ماعرفتوا وش السالفة
هل من حق اهل البنت يسون كذا؟؟
وهل صحيح فيه مصلحه لها ولي ؟؟

مع العلم ان حالتي صارت حاله ونفسيتي زفت الزفت والله كلمت الاهل بس شكلهم مصممين على هالفكره !!!

انا اقدر ادق عليها بدون مايعرفون اهلها بس كرامتي وعزت نفسي اهم ماعندي اني ادق وأفشل نفسي عند اهلها اذا عرفوا....

تكفون مابي مجاملات ومثاليه

افيدوني ياجعلكم ووالديكم بالجنه......

التعديل الأخير تم بواسطة شاغلني هواها ; 18-04-2010 الساعة 01:43 AM