زجوله مليون مبروك على وصول مولودك بسلام ربنا يطرح لك في البركه يارب والف حمد لله على سلامتك يا قمر وطمنينا عليكم
زهوره حرام عليكي ما صدقنا فرحنا بيكي انا معاكي ان الواحد بيقعد فتره في الاول ساعات بينسى انه حامل فعلا لكن خدي بالك من نفسك مستنين احلى عروسه تشرفنا انتبهي لها شويه ربنا يكرمك ويتم لك على خير يارب ومتتخيليش كلامك اثر فيا قد ايه وحسيت فيه بالحب والصداقه اللي من القلب ازايو على قد البنات ما عاتبوني بس بجد كانو قاسين علي قوي لكن انتي ربنا يكرمك بعقلك حسيت انك بتعاتبيني بحب وموده فظيعه فعلا كان ليهم حق البنات يسموكي ماما زهور ربنا يخليلك اولادك وتفرحي ببنوتك يارب
بسومه يا حبيبتي طالما ان الحب موجود بينك وبين جوزك متكبريش الموضوع اكثر من الازم عشان مترجعيش تندمي الراجل عندي كتير ومبيحبش ان الست تلوي ذراعه كبري دماغك شويه واحتوي جوزك والموقف وبعدين ابقي خدي حقك تالت ومتلت على رأي المصرين انا مش مع ان الواحده تسيب بيتها مهما كان السبب ده بيتك اعملي اللي انتي عازاه جوه بيتك خاصميه متكلمهوش تجاهليه روحي غرفه تانيه الا انك تسيبي البيت دي اكبر فرصه للشيطان انه يفرق بينكم اعقلي يا حبيبتي قبل فوات الآوان وربنا يصلح حالك ويهدي لك جوزك وترجعي بيتك في اقرب فرصه
ميرميس تسلمي يا حبيبتي على سؤالك ودايما يا حبيبتي قولي اللهم خيرلي واستخير لي وربنا يقدر لك االي فيه الخير يارب ويقر عينك بالذريه الصالحه عن قريب
جناح الرحمه اشوف الشريط ما شاء الله هانت ربنا يجعلها سهله عليكي وتفلرحي بمولودك يارب ولا تنسينا من دعواتك
عشوقه منى وحلومه وكريستالا واحه مصر وديدو ودودي لكم وحشه يا اصحاب الدرب ربنا يفرحنا بيكم يرزقك الحمل الثابت المعافى والذريه الصالحه الي تملا عليكم الدنيا وتفرح قلوبكم يارب
ام يحي منووور اسلام فلونا روح نعيمه ازيكم يا امهات المستقبل القريب ان شاء الله يجي عليكم اليوم اللي تيجي كل واحده فيكم يقول يا بنات انا حمل ويارب اجعل هذا اليوم قريب وارزقهم بما يحبو ويتمنو واكثر
زرافه ازيك وايه اخبار بنوتك متقلقيش يا قمر على الحمل ان شاء الله ربنا هيكرمك من عنده بس انتي حاولي تخلي جوزك يواظب على خلطه العسل واتوصي بيه في البيض البلدي والحليب والسماك والاكل الغني بالفيتامينات ويارب نسمع منك بشاره حلوه قريب
كوكاره اخبارك ايه مع الحمل وكريم ربنا يعينك ويقويكي ويتم لك ببنوته حلوه انا لسه كل ما بفتكرك بقول سبحان الله انا عاوزاكي وانا عارفه انك مش محتاجه وصايه كل ما تفتكري انك حامل تحمدي ربنا على نعمته لأن الشكر بيحفظ النعمه ويزيدها وإن شكرتم لأزيدنكم انتي تستاهلي كل خير
كل البنات بحبكم في الله وآسفه اذا كنت نسيت حد بدعيلكم جميعا ربنا يريح بالكم وقلبكم ويهدي لكم ازواجكم
التعديل الأخير تم بواسطة mashamesho ; 18-04-2010 الساعة 01:56 PM