أزيكم يا بنات يارب يكون الجميع بخير
كريستاله الله يشفى والدتك يارب ويبعد عنها كل شر ....وبأدن الله نسمع خبر شفائها قريبا يارب
واحه ...ربنا يقويكى وخليكى ديما عنيكى وسط رأسك لان بنتك شكلها شقيه موت ...ربنا يخليهالك وتتشاقى أكتر واكتر
الرودانيه اهلا بيكى معانا واهلا بأهل المغرب كلهم يااااااارب نكون وش السعد عليكى
مرميس يا حبيبتى ربنا معاكى وتاخدى القرار السليم فى أختيار الطبيب وزى ما الطبيبه قالتلك لازم يكون طبيب شاطر جدا فى هدا المجال
كوكار فينك ...ايه اخبار الوحم ؟؟؟
وعن اخبارى فلا جديد أنتظر الدوره القادمه ...عشان اعمل المنظار بعد انتهائها على طول والحمد لله الدوره شكلها بدأت تنتظم تانى لان انهرده خلاص اليوم 19 ومفيش بوادر ليها يعنى شكلها هتيجى بمعادها .....لو تفتكروا انها قعدت شهرين تيجى كل 12 يوم لحد ما دمى أتصفى ده غير ان طووووول الشهرين ألم والله لا يطاق
والحمد لله رجعت لقواعدها بدون علاج ..ولو ان اللى حولى كان ليهم رأى أخر انه يمكن كان حمل فى اوله ونزل وده من وصف الموضوع كده وكميه الدم ولونه وشكل الألم ..وعلى كل حال الحمد لله أهم شئ ان سبب الألم والدم ايا كان زال ...وانا راضيه وبحمد ربنا على كل حال
بسلم على نعيمه وروح ومتفائله واسلام ودوى ومنى ومنور وام يحيى وزهور وعاشقه ويورنا وكل البنات بحبكوا جميعا فى الله
__________________
