شكرا لكاتب الموضوع على اتاحة الفرصة لنا عشان نمدح أنفسنا ونصدق ذاتنا
وفي نفس الوقت نذكر ما ينقصنا لنتلافى ما وقعنا فيه من أخطاء
:
:
ربما أكون زوجة شكاية حبتين ولساني يخرب كثير من المواقف بيني وبين زوجي وكذلك استعجالي وقلة صبري في بعض الأحيان وغروري في احيان أخرى كل ها الأمور تدفع اهلي يستغربون هذا كيف متحملنها !!
بس ربي يعلم اللي في قلبي وأتمنى إن قلبي لزوجي يكون صافي ونيتي صادقة تجاهه

تزوجت زوجي وهو وظيفة مو عنده بس عنده راتب متواضع لأنه كان يدرس ولا أمن على زوجي بها الش ي بس أذكره هنا أمامكم كحسنة فيني

قنوعة في أمور كثيرة جدا ما تهمني الماديات كثر ما يهمني زوجي وما أكون كلفت عليه

تحملت تربية أطفاله الأشقياء وهو أبدا ما يعرف يتصرف معاهم بس الحمدلله المهم انه يحبهم "ويصرف عليهم"

ما عندي سكن لحالي وساكنة مع هله لكني متحملة كل صغيرة وكبيرة في البيت وربي يفرجها علينا ان شاء الله وطبعا اللي مثل حالتي ومو عندها بيت وعايشة مع اهل زوجها تعرف معنى كلامي وتعرف شو أقصد بالضبط ..شي يحبط وأحيانا يخلينا نتمنى العزوبية ..بس أنا أقوى من ها الشي وان شاء الله تتحسن حالنا ( ادعولي)

أعامل زوجي كصديق حميم لي وليس زوج "مهاب" وسي السيد وها الشي يخلي علاقتنا أقوى بس أكيد أخلي مساحة احترام بيني وبينه في الأخير هو رجل وله كبرياءه ولازم أحسسه بها الشي

ولأني ما عندي وظيفة وقاعدة بلا شغل فمصروفي كله عليه ولكني ويشهد الله علي أحاول ما أبذر امواله وأحاول ما أشتري من الغالي الا في المناسبات وبين فترات متباعدة وأحيانا يكون من مصروف لي سابق جمعته ...يعني في حكاية المادة أنا مراعتنه جدا

أما عن الرومانسيات والحركات اللي بين الأزواج فاعذروني ماراح أتكلم عنها بصراحة أخجل

أما في أمور الدين فأحاول قد ما أقدر اعين زوجي على الصلاة وخاصة صلاة الفجر اللي يهملها كثير طبعا بدون قصد من جهته بس نومه ثقيل جدا

أدعيله في كل صلاتي انه يهديه ويحفظه ويزيده قدر في عمله ويوفقه في دينه ودنياه ويحفظه لعياله ولزوجته ودائما أدعي ها الدعاء :
" اللهم اجعل زوجي يراني أفضل وأحسن وأجمل زوجة وامرأة في العالم واجعلني أراه أفضل وأحسن وأجمل زوج ورجل في العالم " هههههههههههه لا تضحكون

دوامه يغث وايد لكني أنتظره لو الفجر وأنوم عياله علشان يكون الجو هادي ورايق له وما يتضايق منهم وما أنام إلا وهو نايم وطبعا أنا آخر من تنام !

أحترم أهله وأعاملهم مثل أهلي وأمي وأبوي واخواني وأخواتي وأمه لازم من فترة لفترة أجيب لها شي لو بسيط واذا طلعنا لازم نجيب لهم شي حق البيت عشان يحسون ان ما نسيناهم وطبعا أشارك أهله في مناسباتهم وأجاملهم عشان يكون راضي علي وها الشي يزيد من العلاقة بين الزوجين
:
:

وهذا كان أعزائي برنامجي الانتخابي أدري مو مشوق ذاك الزود وخرااافي لكن أنا فخورة باللي أنجزته خلال 3 سنين تقريبا من الزواج وأتمنى إن علاقتي بزوجي تصير أحسن وأحسن ويخلينا لبعض

__________________
الظلال تمد ايديها لنا !
هل يا ترى تكون ارفق علينا من الضوء؟