السلام عليكم ورحمة الله وبركاته

حبيت أخبرك عن تجربتي مع بنت أخوي الصغرى في محافظتها لصلاة وعسى الله أن ينفع بها

بنت أخوي عمرها تقريبا 11 سنة ولكن راسها يابس جدا وطبعها عنيد وهي كذا من الاول ، المهم طبعا هي تعلمت الصلاة وصايره صايمه سنتين الحمد لله ولكنها مو محافظه على صلته يعني متكاسله مرة

حاول أخوي معها كثير وطبعا هي تعرف ولكن تلتهي عن صلاتها عدة محاولات صارت وأخر شيء التهديد ثم الضرب ولكن كم يوم وترجع لعادتها

عاد قلت خلوني أحاول معها بطريقتي
جلست معها وحثيتها على أهمية الصلاة والاجر لمن حافظ عليها وفي نفس الوقت خبرتها عن الجزاء لمن ترك الصلاة أو تهاون فيها

المهم اتفقت أنها تعمل جدول هي بنفسها تحطه من السبت للخميس وتكتب فيه الصلوات بالترتيب ولكن لازم تكون صريحه وواقعيه فيه

المهم لما رجعت البلد يوم الاربعاء باليل تفاجأت معها وهي تركض لي ومعها الجدول توريني إياه ههههه وكانت حاطه مكان صلاتين فاضي قلت لها ليش فاضي قالت بصراحه نسيت أصليهم قلت طيب الحين إفتكرتي قالت ايه قلت روحي صليهم قضاء وكملي الجدول

البنت متفاعله ولحد الحين الحمد لله الموضوع ناجح معها وإتصلت على أمها تقول صايرة تسابقنا في الصلاة.

طبعا أن شاء الله محضرة لها جائزتها وإن شاء الله أنها تثبت على الجدول لغاية ما تتعود

خبروني بأرائكم حول التجربة وإذا فيه أي مقترحات ثانيه ياليت تعطوني إياها