منتدى عالم الأسرة والمجتمع - عرض مشاركة واحدة - من سنتين واكثر وانا اصارع الاكتئاب برغم معرفتي الحل ؟؟؟

20-04-2010, 08:05 PM

الجازي//

عضو جديد

تاريخ التسجيل: Apr 2010

المشاركات: 37

اعتذر عن الاخطاء الاملائية في موضوعي كتبتة والله يعلم بحالي ...

المهم التهيت بمولودتي وكنت الحمد لله قربت اخلص الجامعة وهو هدي شوي عن اول وبديت احس ان نفسيتي احسن من اول ..كان باقي نصف كورس لانتهي من الجامعة ...

بين فترة واخرى كان يعود ليمارس علي فنون الضغط النفسي ولا اعلم لماذا كان يحاول ان يحسسني باني ضعيفة شخصية عكس ماكن يخبرني بة صديقاتي وعائلتي بان شخصيتي قوية ...

واحيانا اخرى يتحدث عن نساء اخريات او يحاول بشتى الطرق ان اتكلم عن نساء معينات في العائلة وخارجها ولكن كنت امتنع عن الخوض في ذلك واغير الحديث واقول دعنا نتحدث عن مستقبلنا فيصمت بعصبية ومرات يتلفظ باني مريضة ومعقدة ...

لان جميع النساء يفعلن ذلك مع ازواجهن ويسولفن عن اخبار غيرهن من النساء ..

المهم اجبت ابنتي الثانية وتخرجت والحمد لله ...

لصعوبة المعيشة ولعدم قدرتة على الانفاق علي قررت ان اشتغل في واستغل شهادتي فهو لم يكن يملك مال كافي وكنت دائما اتدين لة من والدتي ومرات من اخواني على اساس انها لي ...وهكذا ....مع ان المعيشة بذاك الوقت قبل10 سنوات كانت ارخص من الان بكثير ...ولكن لايوجد بركة براتبة ولا اعلم لماذا ؟؟

بعد سنتين ونصف من الزواج اصبح لدي ابنتان ...كنت سعيدة بهما برغم صعوبة وحامي وشدتة علي ولكن المال والبنين زينة الحياة الدنياء ..في اثناء انتظاري وقبولي في الوظيفة حملت للمرة الثالثة ..وباخر شهرين في الحمل تم تعييني واخبرتة ان يحضر شغالة ...ولكن رفض واخبرتة اني ساحضرها على كفالتي وادفع لها لاني اشعر بتعب شديد وبنفس الوقت هو يعتبر اجنبي ...وبتلك الطريقة وافق ...احظرتها ولكن لم تكن من اخترتها وحصلت مشكلة مع مكتب الاستقدام لانها ليست المطلوبة كانت ...... تربت في ...... وعاشت في السعودية فترة طويلة تخدم احد العوائل ...لم ارتاح لها من اول يوم ..وكنت قد دخلت بنصف شهري الثامن ...كنت مرهقة واشعر بتعب شديد من الدوام ومن زوجي اخبرتة انها لم تعجبني ...وانها ثرثارة وتتدخل حين اتكلم مع خواتي كانت تنحشر وتدخل تسولف معانا وكنت استغرب منها ومرات اهاوشها ...لكن بوطبيع مايجوز عن طبعة ...بعد اسبوعين قلت لة مابيها رجعها للمكتب ونشوف مكتب ثاني

قام قال العيب فيكي انتي ( رد لاسلوبة اسلوب التحقير ...واللعب بالاعصاب

وسالفة الشخصية لاعلم لماذا ) اعذروني افضل احكي قصتي بالعامي للسهولة السموحة منكم ..

قلت يعني العيب فيني انا ...اسمع ياولد الناس اذا مب مصدق انها ماتصلح اسئل امي اسئل مرت اخوك اسئلهم عن لقافتها وكسلها ...

قال : لا مارااااااااااااااااااااااح اسئل انتي ضعيفة شخصية اساسا ...وربي انهرت وبكيت قلت لة ليش كل كلمة والثانية تقول هالكلام انا مب ضعيفة شخصية ....شكلك انت اللي فيك بلا ...

ومرات لين يشوفني اصيح يرجع يواسيني ومرات يطنش ...المهم رجع لي الضغط النفسي ورديت اكل بعمري الحين ليش ماقدر اسوي شي مب اهي على كفالتي وانا بعدين بدفع راتبها ...لازم اصر واواجهه مرة ثانية واقولة مابيها ..

المهم ..

نسيت اقولكم انها كانت تتنقب وبصراحة استغفر الله كانت مب حلوووة نهائيا ...لاحظت ان ابو الشباب صار يعصب لين نطلع كعائلة ...ونرفز ومرة عصـــــــــــــــــــــــــــــــب حيل وقال قوليلها تشيل النقاب ..

قلت خلها على راحتها ..مب كفاية قاعدة على قلبي بسبتك ...قال : قوليلها تشيلة قلت ليش : قال الناس الحين لاطلعنا بيضنونها زوجتي وانا مايشرفني هالاشكال ...

قلت :: انا مابيها ممكن ترجعها قبل تفوت علينا الشهرين ويرفض المكتب يرجع فلوسنا او يجيب غيرها ...قوم الدنيا وماقعدها ...وانتي وانتي ...ماخلا كلمة ماقالها ....واخرها ماراح ارجعها وانتي مسكينة لانج ضعيفة شخصية ...خايفة تفرضين شخصيتج عليها وتقوليلها تشيل النقاب ...

قسم بالله هالكلمــــــــــــــــــــــــــة رفعت ضغطي وخلتني اولع تدرون وربي رغم اني اعرف نيتة وان السالفة ماهي سالفة الناس راح تظن انها زوجتة .... لكن وربي رحت لها وقلت لها شيلي النقاب ..

قالت ايش .. قلت شيلية ...قامت تتفلسفس وتقول انتوا ياهل الاسلام اللي تقولون كدا ماتوقعت انك تطلبين مني مثل هالطلب قلت زوجي يقول ...قالت وليش يبي يشوفني ... قلت مالي دخل ...شيلية وبس ..

والله اشكثر تنرفزت منة يعني بروحي تعبانة في حملي وهالغثة مخليها على قلبي واهلي كاتمة بعمري ولايدرون وش قاعد يصير لي ......اخيرا الاخت رفضت تشيل النقاب لان الموضوع صار تحدي بيني وبينها خخخخ:14: الله لايردها

بعد مرور شهر قام يحكي لي بسوالف وتقاليد عن بلدهم ...واشياء يسونها وكلما غيرت السالفة يرجع يتكلم

وبعدين قال سالفة ....استغربت هالسالفة اهي حاكيتلي عنها امس في الليل ..

سكت وخصوصا ان الشكوك من يوم سالفة النقاب وهي تروادني ...ومنطمة وساكتة ...

بعد فترة دخولي التاسع تعبت اكثر وقمت انام على 12 بالليل وهو يسهر ...بعد كم يوم قالت لي ........ ::
تدرون لقافتها لسانها كان طويل.. قالت لي انت واثقة من هدا زوجك ..

قلت اية ..ليش قالت لا بس كدا ( على فكرة نسيت اقولكم انها من اول يوم جاتني قالت لي انا جيت الخليج باسم شغالة بس اذا تقدرين يمدام توظفيني اي وظيفة ثانية اكون شاكرة ) طبعا رفضت وقلت اسفة يكفي المكتب جايبج بالغلط عندي واذا موعاجبك ارجعي )))))))

عاد نرجع للموضوع طبعا قدامها انا ...ادعيت الثقة التامة في ابو الشباب

لان السالفة صارت مناحسة بيني وبينها لانها تدري اني مابيها وان زوجي اهو اللي رافض يرجعها برغم انها من حسابي الخاص ماقول الا حسبي الله ونعم الوكيل ... قلبي كان قارصني منهم الاثنين وكنت اللاحظ تغنجها في المشي وهي منقبة ...والله ياخواني واخواتي انة مايمر يوم الا وانا اتهاوش معاة ترجع واهو يرفض لين ابكي ...ونفسيتي صارت زفت ...المهم تخيلوا خلصت الشهرين بالضبط واسبوعين ...ماوعيت الا الاخ اللي كان يدافع عنها صار يسبها ويلعنها ((((((( شكلها اكلتة هواء خخخخ )))))))))))

المهم قال خلاص بكرة برجعها المكتب واقولهم يجيبون غيرها رفع ضغطي الله يرفع ضغطهم طبعا الفلوس راحت علي وهي قامت تبكي وهي رايحة وانا ماعاد يهمني كنت احس ان فية شي ورى الكواليس بس من شدة التعب وكلت امري لله فيهم

ودبرت فلوس وجبت واااحدة غيرها وبعدها بفترة بسيطة ربيت ..:14: ...ماقلت لكم باحاوال قلبي وش صار علية :::

لاتردون لين انتهي ...علشان في النهاية تحكمون بالعدل ..

التعديل الأخير تم بواسطة ماريا ; 29-04-2010 الساعة 08:09 PM