مبروك عليكم الجزء الجديد ربنا يجعله فاتحه خير علينا جميعا
ويتم للحوامل حملهم على وخير ويرزق باقي اخواتي العاشقات يالحمل السليم والذريه الصالحه ان شاء الله
روح شكرا يا قمر على المقدمه الحلوه وربنا يجعلك نصيب في الجزء ده وتبشرينا فيه بحملك زي ما فرحنا بزهور في الجزء اللي فات ولو اني زعلانه منك عشان نسيتي تضميني لقائمه الحوامل في الجزء الماضي (بهزر معاكي ان مقدرش ازعل من حد منكم) ربنا بس يفرحني بيكم كلكم في القريب العاجل يارب
بسومه بجد فرحت لك من قلبي ربنا يهدي سرك ويسخر لك جوزك وكلمه في ودنك من ورا البنات انا معاكي ان في مواقف معينه لازم الست تاخد فيها موقف عشان الراجل يعرف ان مفيهاش هواده بس ده طبعا لو الموضوع فعلا يستحق الموقف ده بس ارجوكي متعمليهاش تاني لأن تاني مره مش هيكون خاطرك عنده زي اول مره ويلا شدي حيلك عاوزين نبارك لك
كريستالا الحمد لله رب العالمين ان مامتك رجعت بيتها بالسلامه وان شاء الله نفسيتها تتحسن طول ما نتو معاها ربنا يبارك لكم فيها يارب
اسلام ربنا معاكي يا حبيبتي وتكون الاجازه دي فيها الخير ليكي وربنا يرزقك بالحمل الثابت يارب
عشوقه الجماهير انا مستنيه منك احلى خبر وبدعيلك دايما واحشاني ونفسي اكلمك وسلومه بعتالك احلى بوسه
كوكاره ومين سمعك انا اول ما عرفت ان انا حامل اول حاجه جت في بالي الولاده لاوالمره دي كمان احنا معانا اولاد يعني غصب عنك هتقومي تراعيهم ربنا يعينا ويقوينا ويجعلها سهله علينا
يورنا اخبار الحمل معاكي ايه وبنوتك انا مش عاوزه اقولك بنتي بقيت لازقه فيا ازاي ومتخلينيش ابعد عن عنيها الاول كنت ممكن اسيبها مع ماما مثلا واقضي مشوار ديلوقتي مش ممكن
منمن ازيك يا حبيبتي وايه اخر اخبارك طمنيني عليكي
باقي البنات الحلوين لكم مني تحياتي ودعواتي ربنا يعطي لكل واحده اللي نفسها فيه واكثر واهلا بالحبايب الجدد ربنا يجعلنا وجه خير عليكم يارب
اما عن آخر اخباري كنت عند الدكتور والحمد لله طمني على الجنين وقالي انه احتمال انه يكون ولد لكن مش متأكد قوي وان شاء الله يتأكد الشهر الجاي
لاتنسوني من دعواتكم
اختكم مشاميشو
التعديل الأخير تم بواسطة mashamesho ; 21-04-2010 الساعة 03:24 AM