منتدى عالم الأسرة والمجتمع - عرض مشاركة واحدة - من سنتين واكثر وانا اصارع الاكتئاب برغم معرفتي الحل ؟؟؟

21-04-2010, 08:38 AM

#13

الجازي//

عضو جديد

تاريخ التسجيل: Apr 2010

المشاركات: 37

اعـــــــــــــــــــــــــــــود الى مـــــــــــــــــــــــوضوعي واعتذر منكم على الاخطــــــــــــــــــــــــــــاء الاملائية .

المهـــــــــــــــــــــــــــــــم ....اني ماصرت احبه بالمــــــــــــــــــــــــــرة ولكن مع ضغط امي واصرارها بالبقاء وان المرة تتحمل ...وان عندي عيال لازم اتحمل علشانهم ...

...طبعا انا كنت احس ان الوالـــــــــــــــــــــــدة تعرف بالموضوع ...كنت طبعا حامل بحملي الرابع ...مسكت شغالتي ونزلت فيها تحقيق ...

مارررري انت يخبر ماما ...

قالت : لا .

قلت بلى ماما يقول انتي خبرتيها ليش تنكرين ...وجهها تلون ...سكتت .

ضغط اشوي عليها ...قالت ماما : وعدتني انها ماتكلم انتي ..ماما : ضايقتني بالاسئلة وانا قلت لها كل شي .....صراحة اهني ارتفع ضغطي ....ليش ومن سمح لج وعصبت زين ماديت يدي ..

المهم ...قمت افكر اوديها بلدها بس تكلفه اني اجيب شغالة غيرها تكسر الظهر من الناحية المادية مكلفة ومن ناحية حمــــــــــــــــــلي ومن ناحية ماكملت سنتين ..

قلت خلاص اذا ربيت بغيرها مباشرة ...

نســــــــــــــــــــيت اقولكم اشسوى ..اخوي اتفق معاي اعطية جزء من الراتب عن تراضي واافقت قلت ماعندي مانع بس بشرط مايتدخل باللي يتم لي سوى بالتوفير او غيرة كان مبلغ حلوا اللي شرط لة اخوي...( بس راتبي كان ذيك الحزة مب قوي كان عادي ))) طبعا هالكلام قدام ابو الشباب يوم جاء يردني طبعا قال قدام اخوي مايصير من حقي اعرف كل شي عن راتبها ....اخوي اهني عصب قال لا ..مب من حقك تعرف ...وهي دام تساعدك بنفس طيبة كان بها ...اما تقعد اذا خلص اللي تعطيك تسوي لها مشاكل فهالشي مرفوض ...سكت الاخ وقال خلاص ابشرررر ولا يهمك ...لو تشوفونة اشلون يصير قدام اخوي ...

يصير سنــــــــــــــــــــــــــــــــع يازينة كلة ابشر يابو فلان ولا يهمك فلانة بعيوني ...وانا اصلا ماقدر اتخلى عنها .. وانا ابيع الدنياء علشانها.
وهي برجال ...وكل المدح اللي مرات بعد العزايم اتمنى لو يقول لي بس يعطيج الف عافيه ...مالاقية ماأحصل الا انتقاد بانتقاد ماعجبني مب حلو نقص كذا ...قصرتي ..مع اني بشهادة الجميع سنعه بامور الطبخ ...يالليل طلعت برع الموضوع ههههههههه المهم يازين الذرابة من ذرابتة

اخوي يتلون وجهه ويقعد يطالعني ويبلع نصف الكلام اللي اتفقت علية ورى الكواليس

.

المهم بعد ماعودت بكم شهر قلت لكم حملت ..

بالشهر قبــــــــــــــــــــل الاخيــــــــــــــــــــــــــر كانت الوالدة تجي تبات عندي بس بالنادرررر مب دايما يعني لازم اقعد اترجى فيها

جــــــــــــــــــــــــــــــــات ذاك اليوم ...وتمت سهرانة اهي وعيالي وشغالتي انا مع التعب ماقدرت اواصل سهر اسئذنت ونمت ....وهم ارقدوا كلهم حول امي بالصالة يازينهم ...كنهم بملجى محذفين حولها ههههههههههه

قامت الوالدة تصلي الفجر راحت الغرفة ..وهالاخ رايح دوامة وهو مار من الصالة شاف الشغالة راقدة مع العيال عادتا عيالي يناموا بغرفتهم وهي بغرفتها بالليل مالها دخل فيهم ...المهم ياحرااااام كسرت خاطرة مادري وشصار

الا وبذاك الـــــــــــــصراخ وركيض لين عند امي.... وهو رجلة والريح وماسمعت امي الا طقة بـــــــــــــــــــــــاب الشــــــــــــــــارع..

اشفيج حسبي الله عليج اشبلاج تصارخين ..... امي تحاور شغالتي .

قالت بابا ..جر رجلي بقوة ...انتي ماما ليش تتركيني ليش ماصحيتيني انتي تعرفين مشكلتي معاة من قبل .. قالت امي خلاص ...بس لاتكلمين مدام طيب ((((( المدام اللي هي انا يقال لها مدااام ))))

انا ترى سمعت شوشرة الفجر بس مع تبي فضلت النوم بعدين شمروخ ماهو مقصر بيجيب الاخبار بالتفصيل وبنفس الوقت تعودت وقلت ياخبر اليوم بفلوس بكرة بلاش ههههههه رديت رقدت ماقمت لين الظهر قبل مايرد من دوااامة ...يوم قمت الا بنتي الكبيرة تقول يمة ترى ماري خافت الصبح ...وامي تغمز لها وتحاول تغير دفة الحوااار ....حلوة دفة الحواار .....المهم انا سفهت اصلا معاد ابغى اسمع شي ولعادني مهتمة ... اقولكم قلبي شبة مقفل ...قلت لين اربي بجري تحقيق في الموووضوع ... علشان افاررق مب وقتة مب في مصلحتي ازعل الحين طنشت الموووضوع تماما ...لين رد من الدواااام ...

(((((على فكرة اهو يحترم امي واااجد ...بالذات لاجات عندي ...وخصوصا انة تربى فترة عندها وعلى فكرة بعد اهو مع عيالي طيب واب ممتاز معنويا ....بس ماديا معهم لكم علية

)))))

عالعموم لين رد من الدوااام ....اتذكر الطقــــــــــــــاقـــــــــة موووضي الشمراني وهي تغني وفــــية نظرات مخـــــفيـــــة ..... اشوف امي تطالع بطرف عيونها صوبة ولعاد تبي تتغدى وهو يسولف مع امي ولاقادر يرفع عينة ناحيتها ووجهة وربي متلووون ومسود ....يقــــــــــــــــال لة ...مستحي ..... طبعا انا اكذب لو قلت ماحسيت باللي صار كل شي كان واااضـــــــــــــــــــح .... حتى نظرات العتاب المخفية الموجهه له من الوالدة ... كانت واااضحة ....

مر شــــــــــــــــهري الثامن لكن لاحضت ان شغالتي متغيرة ...وهو متغير معادهو الشخص المكسووور وبدى يصد عني ولا يتودد وخصوصا انة بعد كل مشكلة خيانة يصير متودد شوي والمرءة احساسها يكون قوي بها الامووور وينعرفون الرجاااال من بعض الامووور .....(((((انتبهوا ياالرياجيل ترى مـــــــــــــــــــــرات واااجد تكونوا مكشوفين بس احنا نسوق العبــــــط

))))

اول ماحسيت انها صارت غامـــــضة واذا سالت بابا اشلون الحين كويس زين :: تتنرفز وتعصب وتقول اوف خلاص بابا زين ...مافية شي اذا فية شي انا فية يقول .... بها الفترة على طول عاملت لشغالة ثانية

بعدها بكم اسبوع الحمد لله ولدت ...ومرت فترة النفاس على خير ..وكنت طبعا مقدمة على شغالة ثانية يبالفيت اني ابغى ثنتين والنية اني عاملت على اساس هذي تجي وماررري انطـــــــــــــــــــوانيت تذلف ...

حصلت مشكلة قوية على راتبي خصوصا ان الراتب بدى يرتفع مهو مثل اول .... عموما كلما سمع بزيادة من الجرايد ....يصير سنافي وطيب ويجي يبشرني بالزيادة والعلاوات يعرف قبلي ماشاء الله علية :14:

لكن انا مع الزيادة مازدت مصروفة بس زدت مصروف البيت يعني اشتري حق البيت وحق العيال ومرات اخذ لة هدايا .... يعني وربي اساعد بس بطريقتي الخاصة ...والظاهر والله اعلم هالشي مهب عاجبة ...ولاقادر يطلب بالتصريح يخاف اخبر اخوي :14:....شسوي انا بعد من تغير قلبي ناحيتة صرت شابة ضوا واي مصيبة على المادة اخبر اخوي اول باول ..... تبون الصـــــــــــــــــــراحة قلت هالطريقة الوحيدة اللي تخلي اخواني يوقفون معي دام اهو مب راضي اتفق انا وياة على الطلاق ..وانا مب قادرة اصارح اخواني بباقي مصايبة .

المهم بذاك اليـــــــــــــــــــــــــوم حصلت مشكلة قوية على الراتب .... انفجر معاد قدر يكتم ...اشلون راتبي قاعد يزيد ولا امد يــــــــــــــــــدي اعطية فوق اللي اخوي اتفق معاة علية .... اشلون .... ((( يعني يبيني احدد مبلغ قوي من راتبي لة ... )))

مع اني يشهد الله اشكثر اعطية حتى فوق المبلغ اللي اخوي حددة وبطيب نفس بس مرات ابن ادم يرفس النعمة ...وانا ادري اهو يبي بطاقتي عندة نفس ماخبرني بداية الوظيفة وهو يعطيني مصروف ليدي ...وهالسالفة انا ماقتنعت بها ورفضتها تمــــــــــــــــــــــــــــــــــاما وتمينا سنوات بعد الوظيفة في حرب بسبت نفس الموووضوع ((( موضوع البطاقة ))) ...انا اساعد اية ومبالغ كبيرة اية وماعندي مانع هم بعد اية ....لكن يوصل الموووضوع للاستغلال لا والف لا ماحـــــــــــــــــــــــــــــب ولا اعتقد فيه شخص يرضى على نفسة .... يكرف في وظيفة صعبة ...وغيرة يجي يتفضل علية بكم اريال ويذلة ...ويحصي علية افـــــــــــــــلوسة ..ولاتشترين وماتشترين وهو بفلوسي ...