منتدى عالم الأسرة والمجتمع - عرض مشاركة واحدة - من سنتين واكثر وانا اصارع الاكتئاب برغم معرفتي الحل ؟؟؟

21-04-2010, 11:45 AM

#14

الجازي//

عضو جديد

تاريخ التسجيل: Apr 2010

المشاركات: 37

المهم تهاوشنا وقلت فرصة كنت توني طالعة من الاربعين اخذت شغالاتي ورحت بيت هلي وقلت لهم مابية مابـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــية ماابــــــــــــــــــــــية ...

وانا عند هلي سفرت الشغالة ...وبديت التحقيق مع امي وراها وراها يمة ...اشصار بذاك اليوم يوم جيتي بيت ..

وهي تتصدد ماصار شي ... اشتبين تكفين يمة ..خبريني ...اشصار ...ترى اهي قالت لي ..

قالت :: شقالت لج ...قلت خبرتني انها كلمتج بتحرشة فيها ...قالت خلاص هذا اهو ...

قلت لا ابغى السالفة اللي يوم كنتي عندي ..... وهي تصد وانا استحلفها بالله .. ايام وانا وياها بحرب وقلت لها بسالفته مع الشغالة وان السبب الحقيقي مب المادة وبس ...وتصدقون اخفيت عنها سالفة معاكستة للمراة اللي بالفريج ...سويت لها دليت ..ولا اللي قبل منها ...

عاد ذيك اصعبهم ..

المهم بعد كم يوم من الحصار حول الوالدة : تكلمت وقالت زين انج وديتها انا كنت بقولج توديها لاني لاحضت تغيرها بشهرج التاسع وايام نفاسج وكانت مستانسة انج مريضة وطولتي بالمستشفى واول كانت يابنتي تخبرني باللي يصير لها لكن اخر مرة يومهي عندنا بوقت نفاسج لاجبت سيرة هالمووضوع واسئلة بابا كيف تعصب وتروح ...قلت انا علشان هالشكل وديتها لكن الزبدة ...وشصار ذاك اليوم ..قالت :

قالت : تقول ان زوجج جرها من رجلها وو............. وهي رفستة واشردت وجاتني ..

الخبل يحسب ان امي كانت راقدة بغرفة ثانيه مايدري انها بالغرف المجاورة تصلي .....وبعدين قالت اشياء ..

اهني وربي احترق قلبي ...ومن يومها زااااااااااااااااااااااااااااااااااااااااااااااااد الكرة ... وزااااااد اكثر من الكلام اللي بقولة الحين ...واللي بعدها صرت انسانة غير .وتقول انها قالت لها ::انة كان يطلب منها تتعدل لة وتلبس مزلط وغيرة وتقول انة قال لها انتي مكانج مب في المطبخ انتي ليش ماتضحكين وتسولفين معاي ...كلة مكشرة ..... تبون الصرااااحة هالكلام الاخيرة ماني مقتنعة فية مدري لية حسيت انها قصت ( كذبت )على امي علشان تنتقم مني وتحرق قلبي وقلب امي علي خصوصا اني باخر شهر لها معي درت اني بوديها وشمت خبر ...وكنت بذيك الفترة اهاوشها واااجد خصوصا انها ماتفهم علي وانا اعصب من غبائها ..قلت يمة ... متاكدة من الكلام الاخيرة قالت والله مدري ...قلت يمكن كان يكلمها بشي وهي لانها ماتعرف عربي عدل الابصعوبة فهمتة خطاء ....(((( يقال ابــــــــــــــــــــــــــرر تصرفاتة )))

المهم ...امي درت بكل شي واصبحت انا اللي ماقدر ارفع عيني بعين امي انكسرررر شي داخلي مدري لية كرهت نفسي ....انا اللي طول عمري انيقة ورشيقة ...واتعدل وهو ماعمرة مدح ..ورايح لواااحدة ... لاشكل ولا ريحة سنعه وليش هذا كلة طيب لية مايطلقني ويشوف غيري يمكن راحتة مب معي على الاقل بالحلال..

اعذروني ياخوااااان بقول شي والله اني انحرج اقولة.. انحرج بس لازم اقولة ...مدري لية خطر ببالي انة يبيها من(((( ))))) لاني دايما كنت ارفض الحرام حتى بالعلاقة الزوجية ...وهوا عمرة ماجبرني بس كان بين فترة والثانية يحاول يطلب ذاك الشي بلين وكنت ارفض تماما .... فكان مايصر برغم انة كذا مرة يستغفلني اثناء .....

بس الحمد لله ...كنت شديدة من هالناحية ..مع انة كان يزين لي هالمووووضوع ...وانا اقول ماحب تبي باللي ربي فاطرة كان بها ماتبي بكيفك .... ولا طال شي من هالناحية ...

المهم .... العلة سفرتها ...وامي الله يسامحها خصوصا انها مرة تحملت شتى انواع العذااااب والمهانة والذل من الواااالد عسى الله يغفر له ظلمة لها ويصبرها وربي انها صبرت صبر عظيم ...شافت مشكلتي ولا شي جنبها ...وانا اعترف ان مشكلتي ولا شي جنبها ويمكن جنب غيرها ...بس الله خلق النفس والصبر وخلق العقل والقلب وخلق ناس واجناس وفرق في تحمل النفوس .. (( لايكلف الله نفساً الا وسعها ..لها ماكسبت وعليها ماكتسبت ))) اتمنى لو عندي خطاء باي اية قرانية يتم تعدليها من جهة المشرفين ...والله يغفر لي ..لاني اكتب وانا تعبانة نفسيا وجسديا ....امي تمت طول الشهر اللي قعدت عندهم تضغط علي اني ارجع ...قلت يمة ترى مهب اول مرة فية مشاكل ثانية بس مب لازم اخبركم تكفين ابغى اتطلق ..قالت لا تقعدين لين تهدى نفسج اوكية بس طلاق لا ...وصراحة الله يسامحها قست علي ف المعاملة يومني عندهم ...علشان انضغط وارجع لة ...ومن ناحية اخوي كالعادة قلت لة المادة ... اخوي احسة شيب مسكين اصغر مني بس رجــــــــــــــــــــــــااااال يعجبكم ....ضهر براسة كم شيبة اممم يمكن بسبتي خخخخخ قال بعد سالفة المادة ...هذا متى بيتسنع ...

قال : مدري لية يختي احس المادة ذي غطاء وان المخفي اعظم ... قلت :: لا اهي المادة وبس وهو رجل فية خير ... بس والله يخوي معاد ابية ...

اخوي يحسبني امزززح....المهم شكل اخوي حصلة ...بذيك الفترة اللي انا حمسانة عند هلي ...شافة ...

والظاهر كسر خاطرة ...وجاء يقولي ترى شفت فلان وربي يقطع القلب ومريض ولحيتة تقولين طالع من سجن واحسة مكسور باقي شوي ويصيح ..والله انة انا اللي باقي شوي وادخل مستشفى المجانين منكم ومنة ...ويوم شفتة قال انة يبي يجينى البيت ...وشقلتي ........قلت : خلة يجي ...انا خلاص مابية ...اخوي ......قال لاتخربين بيتج علشان المادة ...قلت خلة يخترب ..انا تعبانة خلاص .

ضغط من امي وضغط من ابوي ....وابوي بس يبي يتهاوش ويمد يدة علية ...وانا مابغى توصل لها الدرجة ...كنت ابغاة يخرج بالمعروف بدون حكي فاضي وشوشرة ..وبدون لايدرون بالحقايق ..المهم مع الضغط رجعت بس غصب عني عاملوني معاملة صعبة وخصوصا فية لي اخ ماطيـــــــــــــــــقة ولا احب ادخلة بمشاكلي وحياتي ....كان هالاخ واااجد يضايقني وكنة ماصدق ...بصراحة كنت ادعي علية للي يسوية معي وعموما اهو ماهو متهني بحياتة ولا حد يحبة وين ماراح مكروة ...المهم رديت بس هالمرة مارديت الجاازززززززززززززززززززززززززززي رديت غيررررررررررررررررررررررررررر واااحد بدون لا مشاعر لا قلب لا احاسيس لا ود لا رحمة ...انسانة غريبة حتى عن نفس ....يمكن يقال لة الضغط اللي ولد الانفجاررر مدري ... رجعت ....

وياليتني مارجعت ...نسيت اخبركم اني قبل سنة بديت اكل حبوب نفسية ساعدتني وااجد كنت مرات نتيجة هالحبوب ماحس بالمشاكل ...وكنت مرحة زيادة رغم المصايب ..عموما انا مرحة اساسا بحبوب وبدون حبوب ...بس هالحبوب كانت تساعدني تشيل عن التفكير بها الموااضيع انقطعت عنه اثناء فترة الحمل ..ورديت لها بعد الولادة ...وعلى فكرة يصرفونها الدكاترة العاديين من دون عيادة نفسية ..بس تحت اشراف طبيب ...((( حبة اسعادة ))

المهم يوم واااجهتة بالكلام الاخير ....ارغى وازبد وقوم الدنياء وماقعدها ..... ولاول مرة اعترف ماكان عندي دليل قوي وهي سافرت بشرها وخيرها ...الزين منها عمري ماشفتها تغرية ولا ماكانت قعدت عندي ثواني ..يشهد الله كانت بحالها معادا اخر شهر او شهرين احسها تغيرت شوي بس بدون تغنج وقلة حيا.... لايكون حبته الخبلة هههههههههه

المهم ....جن جنونة وكنا بالسيارة يوم ناقشتة بالموووضع ..

طبعا اهو يسوق وانا احس اني بقطار الموووت ...ويدة ترتفع وصوتة مرتفع ....ويدافع ....هذا توني ماقلت لة بسالفت طلبة لها باللبس توني اقولة سالفة اللي صار يوم امي عندي ...قلت لة شوف حبيبي انا سترتك وانت فضحت عمرك امي الحين درت بكل شي بدون حتى ماخبرها ولعلمك الزلعة اللي قبل واللي قبل وربي ماعمرهم دروا بشي حتى امي بس هالمرة الشغالة خبرتها بكل شي وانت كملت الموضوع وتاكدت يوم باتت عندنا ...قام يدافع ويقول

انتي تعرفينها غبية وتفسر الموواضيع على كيفها لانها غبية ...انا يوم شفتها راقدة مع العيال بالصالة كسرت خاطري وجريت اللحاف اغطيها معاهم .....قلت يحنين ...ايوة وبعدين قلت وهي فهمتني خطاء ..

قلت بس اهي تقول : انك جريت رجل وهويت فوقها ورفستك وشردت ...والله انة بغى يدعم بنا وهاج وزود السرعه ...الكذابة انا بري ...صحيح سو خير تلقى شر ...

وانا عيوني على الشارع غدت كذا ...واحس اني في سفينة نوح بالسعودية ....ولا قطار الموت هههههههههههههههه واقول دامها خاربه خاربة خلني اكمل .....وقلت لة :: لا وبعد تقول انك طلبت منها تلبس لك كيت وكيت ....وهو جن والناس اللي يمرون بالسيارات حولنى اكيد يدرون ان فية مصيبة من يدة اللي طالعة ونازلة وشوي كان يهوي بيدة صوبي يبي يطقني ويخنقني ...

قلت : عموما قلت ولا ماقلت ...انا يابن الناس مارديت الا علشان عيالي ...واذا منت مرتاح معاي ياليت نفترق ...قال اشتقصيد ...قلت اقصد ... من دون فضايح ...طلقني ..قال : لية انتي تضنين لو طلقتج بترتاحين والله لاحرق قلبج واولها على عيالج ...دايما يهدد وقد هدد من قبل بنفس هالتهديد ..سكت ....مالي حيلة ... وخفت على عيالي خصوصا انهم يعتبرون اجانب ..

11: