اقتباس:
المشاركة الأصلية كتبت بواسطة ][ لمني بشوق ][
حبيبتي ملكة الطيبه
اولا الله يحفظ لكم البنوته ... ويطرح فيها البركة ..
ثانيا ...ابي اعطيك تجربتي في تنظيم الوقت والمهام في البيت ... انا مقسمة المهام على عيالي وزوجي ونفسي طبعا ..
لكن مادام ان اغلب المهام بتكون عليك ... سأعطيك الطريقة وانتي طبقي ...
احضري لوحه ( السبورة البيضاء ) .. او لوحة ورقية كبيرة ( متر تقريبا ) .. واعملي جدول .. بالعناوين التاليه :
اليوم ... الوقت ( من - إلى ) ... المهـــام ...
وابدأي بملئ الجدول .. يعني يوم الاحد : من الساعه 9 ص - 10 ص .. تنظيف وترتيب البيت .. بعدها 10 دقائق استراحه
جهزي حاجيات الغداء بالليل ...( من تقطيع الخضار وغيرها ) .. بعدها من 10:15 ص - 11:15ص .. غسل الملابس او كي
الملابس ويمكنك البداية في الطبخ ... حاولي يكون الغداء جاهز على الساعة 12 م ... بعدها خذي ساعة تاخذيلك فيها
شور .. وارتاحي وصلي الظهر .. واعتني بالبيبي ...إلى ان يأتي وقت الشغل ... علمي الاولاد اللي يدرسون عندك ان
يجلسوا في مكان معين ولا يوسخوا المكان ...حددي مكان معين في البيت ... بعدها شوفي البيبي واكليها وغسليها
وابدأي بالتنظيف البسيط اذا لزم ... وحضري العشاء البسيط ... وحضري نفسك .. خليه يشوفك بأحلى صورة وطبعا
لا تنسين تعطرين وتبخرين البيت ... وخليه يتفاجأ فيك ... بعدها اجلسي معاه وقولي له : حبيبي ..انا اعرف إني كنت
مقصرة بالترتيب وفي بعض المهام لأن كان عندي ضغط وما كنت منظمة وقتي ... لكن من اليوم بإذن الله ما راح اعطيك
فرصة تشتكي من أي شيء ..." بيني له انك تبين تغيرين لنفسك ولراحتك انتي بالمقام الاول ...
بعطيك افكار للتشجيع ...
- حطي لنفسك منبه .... يعني خليك في تحدي انك تخلصين الشغل او المهمة قبل لا يرن المنبه ..
- شجعي وامدحي نفسك ... خذي سلة صغيرة او صندوق صغير وحطي فيها اوراق صغيره اكتبي فيها :
( انتي مبدعه .... انتي تستحقين الشكر .... انتي فنانه .... انتي رااائعه ... يعني من الكلام اللي تحبين تسمعينه )
فما ان تنتهي من كل الاعمال في الوقت المحدد .. خذي ورقة واقرئيها .. بتحسين براحه وانتعاش ..
وتذكري النجاح لا يكون في المدرسة او في الدراسة فقط ... النجاح ايضا يكون في بيتك في مهامك ... فعندما تنتهين من المهام
وتشوفين البيت مرتب وحلو وتلقين وقت لنفسك وللجلوس مع زوجك .. وتحرصين ان زوجك ما يمسك عليك شيء ..
هذا قمـــــــة النجاح ....
ونصيحه : حاولي تغيرين ترتيب المهام من يوم إلى آخر علشان ما تملين من الروتين ...
الله يوفقك حبيبتي ... واذا عندك اي صعوبة او استفسار لا تترددي ...الله يسعدك ...
|
مشكورة عزيزتي
ساطبق هذا النظام مع اني دايما افكر بهذه الطريقة لكن لا جدوى معي لكني مصممة على التغير
ادعي لي لانني سامت من كلام زوجي ونظراته لي دائما في تقصير