عزيزتي فيه وااااااااااااايد شباب مثل حالة زوجج وهذا مو معناته هذا طبيعي وتيك ات ايزي علشان ما يفهموني الأعضاء الثانيين خطأ !!
هو متعود ع الخطأ ومجرب قبل لا ياخذج فأكيد في البداية بيكون مو مقتنع وخاصة انج وحدة شريفة ما عمرها جربت ها الأشياء وتبي أحد يعلمها بس الظاهر زوجج يبغي وحدة فاهمة زين زين
الحين من سنتين متزوجة وعندكم ماشاء الله طفل الله يحفظه لكم
ما قلتيلنا كيف حاله الحين هل بعده يقولج الكلام الأولاني ولا خلاص طاحت من راسه ؟
مع ذلك أحس إن أفضل إنج تعلقينه بولده زين زين ما أدري بس أحس ها الطفل هو الحل لمشكلتج حسسيه بأبوته مع ها الطفل وأكيد راح يفرح ويتحمل السؤولية وان شاء الله ماراح يرجع يفكر باللي كان واللي صار
وأهم شي عزيزتي لا تشوفين نفسج ناقصة أبدا أبدا والا شافج هو بعد ناقصة
ثقي في نفسج وحبي نفسج عزيزتي ولا تحاتين
الله وياج لأنج ع حق
ربي يهديه ويعلقه فيج ويشوفج أفضل وأجمل زوجة وامرأة بالعالم
