والله من وانا صغيره عالق بذاكرتي كلام زوجة أخوي
كانت تجمعنا انا واخواتي وتتكلم عن الجنه والنار وكنت اسرح بفكري لان طريقتها مره مشوقه بعرض الجنه
وتو اذكر طريقتها
بالجنه مالا عين رأت ولاأّذن سمعت ولاخطر على قلب بشر وتمد فيها ثم تمثل بطريقة جدا جذابه
تسألنا وش الأشياء اللي تتمنوها وكل وحده تعدد امنياتها
ثم تقول الجنه فيها كل ماتتمنوه ومالا يخطر على بالكم
والله ان ادموعنا اربع اربع وان قلوبنا متعلقه بالجنه
والحين كم اعمارنا ومازالت الفكره راسخه
لأن الصغار بسرعه تعلق بعقولهم الحاجات الحلوه
وبنت خالتي كنت اصلي جنبها وانا بعمر الطفوله وككنت اقلدها ولما اخلص كانت تمسك ايدي والله توني اذكرها ومسكت ايديها وقلبها علي وهي تنصحني وكاني بعمرها وهي كانت معلمه وانا دوبني بالصف الرابع او الثالث مره كنت صغيره المهم
تقول بعد ماتصلي فرضك سوي كذا وكذا تعلمني الاذكار والى يومك اذكرها واذكر طريقتها
مهما علمتي صغار يلحقك الاجر وانتي ماتدري
وحده معنا بالدار لما كنا ندرس صغار تذكر تجربتها على بداية فتح الدور الخيريه وتقول لنا ان احد ائمة الحرم كنت ادرسه وماكنت ابد اتخيله يصير امام للحرم وتوه يذكر من علمه سورة الفاتحه
العلم في الصغر كالنقش على الحجر وكلما استحضرتي النيه كلما كان عملك ابلغ في الوصول
__________________
[IMG]http://im3.***********/2011-05-11/130510309661.jpg[/IMG]
يارب فرج همي وجميع المسلمين
التعديل الأخير تم بواسطة في الإنتظار ; 23-04-2010 الساعة 05:25 AM