ذكرتيني بموقف صار لي قبل كم سنه
مره وحده من زميلاتي في المدرسه من جنسيه عربيه نست نموذج الاسئله النهائيه في الارض عند باب الخروج وكنت انا وهي جالسين ننتظر سياراتنا هي سيارتها وصلت قبل سيارتي ونست تاخذ نموذج الاسئله النهائيه وطلعت وانا بعد فتره من يوم طلعت انتهبت لظرف اللي فيه الاسئله وهي كانت كاتبه اسم الماده من برا الظرف انا قلت في نفسي صعبه اتركه في مكانه واطلع يمكن وحده من الطالبات تاخذه وقلت صعبه آخذه معي يمكن تتهمني اني فتحت الظرف وسربت اسئلتها ولا كان معي رقمها فقلت اسلم طريقه اني اسلمه للإداره وهي تاخذه منهم في اليوم الثاني
المشكله في اليوم الثاني المديره الله يصلحها جت بغرفتنا وصارت تهزئها على اهمالها قدام الكل وقطعت الظرف ورمته
انا ما كنت موجوده يوم المديره تهزئها كان عندي حصه يوم رجعت وقبل ادخل الغرفه جتني وحده من صديقاتي المقربات وقالت لي السالفه وقالت انها حطت الغلط علي انا ليه ما اخذت الاسئله معي للبيت واليوم الثاني اسلمها ولا كان صارت هذي المشكله من الاساس
انا لاني ما غلطت ولا فكرت اعتذر منها لاني ما سويت شي غلط ولو اني ماخذه الاسئله معي للبيت كان سوت لي سالفه ما لها نهايه
اختي رضا الناس غايه لا تدرك
__________________
رب اجعلني مقيم الصلاة ومن ذريتي ربنا وتقبل دعاء