المشاركة الأصلية كتبت بواسطة خالد 2020

بسم الله الرحمن الرحيم

انا صاحب موضوع
http://www.66n.com/forums/showthread.php?t=205769

الحمد الله قدرت اتجاوز هالموضوع ورجعنا ولله الحمد سمن على عسل

بس صار معي موضوع وحبيت اخذ رأيكم فيه ولاتبخلون علي بردودكم
الموضوع :

بعد اللي صار بفتره بسيطه هي واحد من اخوانها اللي هو ولد عمي دوامه بعيد عن المنطقه اللي حنا فيها

زار اهلها وقالتلي اول مارجعت من الدوام قلتلها زين لان اصلا ابوي مسوي عزيمه له بنفس اليوم العشاء

قالت ودني بعد الغداء وابي اشوفه قلتلها العشاء بتشوفينه وظلت تزن على راسي لين عصبت ويوم عصبت

صارخت وكذا قالتلي لاتصارخ خلاص نتناقش واخذت وعطت معي وانا عصبت زياده لانها رفعت صوتها شوي

علي عكفت يدها المهم كلعاده بكت ظليت ثواني بس وتركتها ورحت للغرفه وشوي وتدخل علي الغرفه

العاده اذا صارخت ولاضربتها انا اجي اراضيها استغربت انها جايه كانت تبكي وقالت فلان يدي وجلست تبكي

واخذتها ورحت للمستشفى انصدمت لما عرفته انه كسر ماكنت اتوقع اني اسويها ابد طلعنا من

المستشفى وطول السياره وانا ساكت دخلنا البيت وجلست اعتذرلها كثير لاول مره احس بالندم اللي

حسيته فيه ذاك الوقت لما شفتني كذا قالت لا ياقلبي تمون على الرقبه وانا المفروض ماعلي صوتي نرفزتك

ومن هالكلام استغربت منها تصرفها لما شافتني ماتكلمت صارت تاخذ الموضوع بمزح شوي صارت تقول

عشان ما اطبخ بعد وتضحك بعدين قالت ماصار الا الخير وانا بقول لاهلي اني طحت بيقولون بنتهم انهبلت

وتضحك قلتلها امري وش تبين وترضين قالت ابي بوسه استغربت ردت فعلها مدري شقصدها مع العلم انها

دلوعه وحساسه ابي تفسير لتصرفها من رأيكم ليش اخذت الموضوع بالسهوله لانها لما ضربتها اتعبتني

على ماراضيتها ليش تغير تصرفها احترت والله ابي رايكم