تسلمو كل اخواتي في المنتدى الي ردو
والله امس حصل موقف نكد عليا وانقهرت
بس ناويه مااعديله هيا
تخيلو عرف اني مسجله في المنتدى وعصب
يقلي تردي على مواضيع الرجال والله لو صار زي كده في بيتي والله لاازعلك
بالله مو يقهر
انا ماسويت شي
عاد لو عرف اني ناشره غسيله هنا
بكيفه
قلتله الموقع ملتزم ومافي تواصل الا هنا عاعام وعلى عينك ياتاجر
قالي اصلا من سمحلك تشاركي
وتردي على مواضيع
مرة ناصحه ماشاء الله
قهرررررررررررني
قلتله لاتبالغ ماسويت شي غلط وانا واثقه من نفسي
عادي شاركت واتكلمت وكتبت زي ماالعالم بتسوي
جات عليا اش فيها
لمن قلت كده صارو العفاريت يتنططوا قدامه
عادي؟؟؟؟؟؟ اش الي عادي؟؟
مرة شايفاني بني ادم دمي ثلج وديوث عشان اسمحلك تكلمي الرجال
قلتله مافي تواصل وحلفتله مو راضي يفهم
قال
لالالالالالاتقولي عااادي
امسحي عادي من قاموسك
انا معايا مافي شي عادي
لازم تبرري وتقنعيني
تبغي تدخلي اتفرجي واحتفظي برايك لنفسك
لاتشاركي في مواضيع الرجال
انا كده يابنت الناس
تبغيني هدا انا مو عاجبك الله يسهلك
المهم عصصصصصصصصصصصصصب وفجر الدنيا وانا جلست احاول اقنعه طبعا لاحياة لمن تنادي
مخه تنك
المهم
قفلنا واليوم سافر لمنطقه تانيه ولا اتصل عليا
يعني السفر حياة او موت
ياخي نسيت كل شي عشان كلام بصراحه انا اشوفه تافه
اعتذرت رغم قناعتي اني ماسويت شي
بس عشاني اهديه
بس والله لااوريه شغله
المهم
اليوم اتصلت مرة مرتين تلاته مايرد يعطيني مشغول
ارسلت مسج مسجين مارد
المهم وقت ماهو قالي من امس انه مسافر
ارسلت مسج انه اذا انت في الطريق توصل بالسلامه والله يحفضك ويحميك
بعد المغرب رد عليا
اتكلمنا شويه في الموضوع
بس ماطول لانه كان مشغول مع اهله
بعدين باوافيكم باحداث المعركه الي حتصير
اش رايكم اقله انت شكاك ومريض ولا لا لاني ماابغاه يمسك عليا ولا تكه
وترا قالي انتي كل كلمه ترا محسوبه عليكي
ليا رجعه
خخخ اكتشفت انه المشاكل الي تصير خلتني اقدر اتحكم باعصابي واصبرررررررررررررر واعرف متى اوريه شغله