اخواتى الغاليات يارب تكونوا جميعا بخير

اولا احب ابارك على الموضوع مرتين مره لفتح الجزء الجديد ومره لاعاده فتحه بعد اغلاقه

ثانيا بشكر الاداره على تقديرهم لحالتنا ومراعاه ظروفنا

ثالثا مبروك الف مبروك ام مرهونى وان شاء الله ربنا يتمم لكى بالف خير

رابعا مرميس هعيد عليكى تانى يا حبيبتى بجد لو كانوا هيقرروا ان لابد من اجراء عمليه حاولى تستخيرى وتسألى اكتر من دكتور علشان زى ما قلتلك انا بعد العمليه من سنتين ولا مره حدث حمل مع انى عملت بعدها منظار عند دكتور غير اللى عملهالى علشان اطمئن وقال لى ان مفيش اى مشاكل كمان عملت اشعه صبغه بعدها برده علشان اعرف اذا كانت عملت اى اضرار والحمد لله كانت سليمه بس لم يحدث حمل اسفه حبيبتى بعيد لكى الكلام تانى بس يعلم الله انى خايفه عليكى ومش عايزه يحصلك اللى حاصل معايا فأنا عندى راى يخصنى الحمل والاجهاض افضل بكتير ان ميكنش فيه حمل خالص بجد فانا الان منزعجه جدا لان مش بيحصل حمل زى الاول واحيانا بقول لنفسى كده خلاص مش هحمل تانى العمليه ديه جابت اخرى لكن برجع واقول كله بامر الله ان اراد لى الحمل مفيش حاجه هتمنعه وسبحان الله ناس كتير بنسمع عنهم ان كل الاطباء اجمعوا على استحاله حملهم وبقدر الله بيحملوا ربنا كبير وقادر على كل شىء

اخواتى الغاليات سمحونى على الاطاله فى الرد لكن يعلم الله ما بداخلى من ضيق ومرره واستغليت الرد على مرميس لكى افضفض بالقليل مما بداخلى فسمحونى وتقبلوا حبى ودعائى

__________________

رَبِّ هَبْ لِي مِن لَّدُنْكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ