شكرا يا كوكار على ردك واهتمامك يا حبيتى ربنا يجعله فى ميزان حسناتك يارب ....بصى بقى يا ستى انا دورت عن احسن مراكز فى مصر وعلى رايك فعلا لقيت مركز جنين هو الاول والافضل ويليه مركز أدم ....ولكن جنين غالى قوى ..المهم سالت فى أدم عن طريق النت وفعلا ردوا عليا بسرعه فو نفس الوقت تقريبا ولقيت التكلفه 6000 جنيه غير الادويه والفحوصات من 4000 الى 5000 جنيه اما تجميد الاجنه فمن 300 الى 1800 جنيه
وعتقد انه ممكن يكون مناسب ماديا اكثر من جنين ....
وعلى فكره دخلت التجمع اللى قولتيلى عليه وشفت ردك هناك وأستفدت فعلا من تجارب البنات ...

وعموما انا اكيد هستنى كام شهر ارتاح نفسيا لانى حاسه ان الحاله النفسيه مهمه جدا ..وانا حاليا حالتى تحت الصفر بشويه .وكمان أظبط فلوس للعمليه

عاشقه الطفوله ...براحه كده واحده واحده فهمينى بالظبط اعمل ايه لانى مش فاهمه ازاى أتبخر بالشاى او الشاى الاخضر ..ممكن تفصيل اكثر ..ووصلى سلامى كتير ل روح ربنا يجعله فى ميزان حسانتها وحسناتك يارب العالمين يارب العالمين

نعيمه امييييييين يارب العالمين ييسر لى ولكل محروم يارب

زهور الدعاء يا أطيب قلب فينك يا حبيبتى ...عاوزه اطمنك واقولك انى الحمد لله دلوقتى أحسن ...اه بتمر لحظات تعب نفسى لكن بذكر ربنا وبقول لسه عندى امل الحمد لله ربنا مخدش منى كل حاجه لسه ...وصدقينى والله انا حاطه تجربتك أنتى وكوكار امام عينى ..يمكن ربنا جعلك سبب انك تحكيلى وحكايك تقوينى واكتر واكتر ...مستيه قصه حملك الاخير ربنا يجعلك فيه البركه والخير يارب

منى حبيبتى ربنا يرزقك يارب وعمليتك تنجح من اول مره

يابنات بجد انتم قلوبكم طيبه فعلا والله بحبكوا كلكوا ...كأنى عارفاكوا من زمان ..يمكن احنا مش عارفين بعض بالشكل لكن الحمد لله كلنا بنتشابه فى حبنا لبعض ...يارب يرزقنا كلنا يارب يارب
ربى لا تذرنى فردا وأنت خير الوارثين

__________________