اختي ام جمانة بارك الله فيكي على هالموضوع اللي اجا في وقته لاني بعاني كتير مع ابني الله يهديه و يصلحه هو وجميع ابناء المسلمين عمره 11سنة عنيد جدا وين ما يروح بيعمل مشاكل استعملت معه كل الاساليب من حرمان من اشياء بيحبها او من التلفزيون او من المصروف
وكمان احيانا الضرب بس شي على خفيف لانه ما شاء الله صار طولي بس ولا اي شيء نفع معه ممكن بنعدل يوم يومين و يرجع مثل الاول تعبت معه كثير الله يهديه وانا عايشة في دوله اجنبيه الضرب ممنوع وانا اصلا ما احبه وما بلجاله الا في الاخر بس والله نفسيتي بتتعب لما اضربه و مش عارفه شو هو الاسلوب المناسب للتعامل معاههو دايما يردد انه انا عنيد و مبسوط على حاله و انه لا المعلمة بتقدر تعمله شىء وما بيهمه شيء دايما بيحكيليidont care
وانا لما اسمع هالكلمة بحس راسي بده ينفجر يا ريت اذا انتي او حد من الاعضاء عنده فكرة او اسلوب في التعامل معه يحكيلى اياه و اكن من الشاكرين عارفة حبيبتي اني ما اعطيتك شيء مفيد بس والله موضوعك لفت نظري كتير وحابه استفيد من تجارب الاخوة والاخوات خاصة اذا في حد مغترب لانه التربيه هون معاناه بكل ما تحمله الكلمة من معنى بضل الواحد خايف من المدرسه من الاولاد اللي في الشارع من كل شيء لانهم هون بيختلفوا عنا كثير و ما بيهتموا سامحيني اني طولت عليكي