منتدى عالم الأسرة والمجتمع - عرض مشاركة واحدة

12-05-2010, 11:07 AM

#18

ماريا

عضو المنتدى الفخري

تاريخ التسجيل: Jul 2006

المشاركات: 10,538

ابني الأول حاولت افصله لما فطمته و فشلت
و رجعت حاولت افصله لما حملت و فشلت
و رجعت حاولت مرة تالتة افصله لما كنت بآخر حملي بأأخته و الحمد لله مشي الحال
كان عمره آنذاك سنتين إلا شهر

كيفية فصله :
لما فشلت كنت اتركه بسريره ساعتين كاملات و هو ببكي و لما اخرجه من سريره ينام على اي مكان من شدة النعس
كان ينام بأي مكان إلا سريره
كنت ابقى شهر او شهرين و هو اللي بنتصر بالنهاية
لما قدرت افصله بآخر مرة كان الموضوع فقط بليلة وحدة و اخدت الطريقة من صديقتي و هي كالتالي:
ثبتت كاميرا (مونيتر) بغرفته و تركته الليل كلو بسريره و الباب مسكر عليه و هو ببكي كل نص ساعة يصحى يبكي و يرجع يستسلم و ينام مرة ينام عالواقف و مرة و هو جالس و هيك حتى الصباح
و الليلة اللي بعدها نام بدون أي عناء بسريره و من وقتها (من سنة ) و هو بنام بسريره بدون أي عناء

مشاعري لما فصلته :

صراحة كان منظره بالكاميرة و هو واقف متل السجين و بصرخ ماما بقطع القللللللللللب بكيت كتير و كنت بدي استسلم لولا منعني زوجي
مشاعري بعد ما خلصت من الموضوع كتييييييييييييير ارتحت من آلام ظهري و رقبتي و الرفس كل الليل كان لازم يبقى معانقني و المشكلة انه هو كتير بتحرك و برفسني انا و أبوه و بالنهاية كل واحد فينا نايم بمساحة شبرين من السرير و ابني آخد متر و نص نايم بالعرض و آخد راحته عالآخر

الآن نفس المعاناة مع بنتي صابره عليها حتى افطمها
و ان شاء الله بعد الفطام بدي افصلها بنفس الطريقة
لأنه تعبت كتير
كل الليل لازم يبقى صدري بفمها و هي نايمة
انا و هي بغرفة و زوجي بغرفة و ابني بغرفه
^^
هدا وضعنا الحالي

أما عن السن المناسب
بعمتد على الطفل و على الظروف

لو الطفل أخد اللهاية او الصناعي و مو مدمن على النوم على صدر امه فصله و هو عمره يوم أحسن شي !!
و لو الطفل غير قادر على الحركة بسريره الافضل فصله قبل ان يقدر على الحركة
لأن بنتي الآن اذا تركتها بسريرها تبكي بتزحف على ظهرها حتى يوصل راسها لبدايتو و هدا خطر عليها

__________________
.
.

استودعتك أهلي في سوريا يا من لا تضيع ودائعه