شوفي اختي ماجدة

انا معاية الان واحدة صديقة

تزوجت زوجها وهي تعلم انه قد يكون هناك زلات قبل الزواج خفيفة ..

رجل كبير هو محترم جدا .. شخصية قوية ... مربيلها الخفيف في البيت..

عندهم الان بنين وبنات والحياة شبه مستقرة

اختلفوا شويه ورجعوا تاني لبعض

من زمان كانت حاسه انه مش طبيعي وفي حاجة دايما شغلاه

عرفت كلمة مرور اميله من قريب

ولم تتخيل مارأته .. بيتعرف على بنات بقاله سنين .. وفي نساء علاقتهم بيه بالسنوات .. ومعظمهن متزوجات !!! تخيلي .. وهناك من يشتكين (له) هجر ازواجهن لهن ومعاملتهم السيئة لهن .. وينصحهم (هو )!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!

ويقبل ايديهن وارجلهن حتى يتحدث معهن .. مخلي نفسه ممسحه .. زي مايكون عنده حب انه يذل نفسه لواحدة قوية .. (بس مش لدرجة المازوخية) .. هو عادي بس ده طبع فيه

طبعا مخها باظ ازاي وهو اساسا راميني .. ولو بس رديت بشئ من حقي يخاصمني ويجافيني ايام

وهو مع دول كلام رومانسي لم تسمعه .. وبوس ايدين ورجلين .. وقاذورات النت (إياها)

كل يوم ياماجدة ألصّم فيها .. واقولها معلش .. كله في الاول في الاخر خيالات وهم ناس مش حقيقية..

انتي الباقية .. لو واجهتيه هتكون النهاية..(بان في مواقف سابقة يعني انه يقدر يستغنى تماما عنها ويعيش حياته بالطريقة دي) !!

ده بيخون ربه في المقام الاول أكتر منك ..

على الاقل عامل حسابك وكلها لم تتعد النت ولو كان عاوز ينقلها لحاجة جدية كان عمل كدا من زمان ..

دول مجموعة نساء مش واحدة بس عشان تقلقي..

ده مدمن مريض بالعلة دي هنعمل ايه معلش زيه زي اللي بيشرب سجاير

وغيره من كلامات التهدئة

كل يوم تجيلي متعبة منهكة وترد تقولي

بينزل ويسيبني ويسيب اولاده عشان ميعاد مع واحدة على النت وهمية لاتستحق .. يسيب اللي قدامه الحقيقي ويروح لكيبل نت !

الوقت ده احنا اولى بيه منها

تقولي طيب ليه بيضيع طاقة الحب عليهم ويجي خلصان كل يوم مش شايف قدامه .. مش انا اولى ؟!!

احيانا يزقها تبات بره عشان ياخد راحته طول الليل ... كتير يسهر للفجر بحجة انه بشتغل في الشغل وهو قاعد بيشيت !!

احيانا تشوف محادثة ليه معاهم .. وتيجي تقول انا نفسي احب واتحب .. نفسي في راجل يسمعني كلام حب ده

انا جعانة رومانسية .. انا حاسة اني ممكن أغلط ..

انا لا مسامحه فيهم دنيا ولا آخره

ساعات تيجيلي قوية .. وبس متدايقة من افعاله ..و ساعات تكلمني و هي ضعيفه من جوه وبرة ! ده غير احساس عدم الامان الدائم

على فكرة .. هي كان ممكن تعرف حاجة زي كدا عنه قبل ماتتجوزه .. لإن في علامات استفهام كبيرة حوالين الراجل ده ولكنها تسرعت في الجواز لظروف خاصة بيها .. ودايما احنا الستات بنفتكر اننا هنكون الحاجة الصح اللي هتمنع الراجل وتخليه يبطل .. في حين انها لو عادة متأصلة جوة لن يمنعه سوى ربه وارادته و نفسه من الداخل.. محدش بيمنع حد !

طيب معضلة المشكلة دي يا ماجدة انها هتخرب حياتها على ايه .. يعني هو بيخون .. بس في نفس الوقت مش بيخون حقيقي !!

مش عارفة افهمك ازاي .. انتي فهماني صح؟

طيب دي الدافع بيتها واولادها والماديات والخ.. ومتجوزين بقالهم اكتر من عقد

انتي متدايقة عشان 3 سنين بس .. وكمان مافيش عليكي خساير تذكر مادية ولا عيال في الرجلين .. غير بس عاطفية وان شاء الله هتخفّي والزمن كفيل بيها ... ولا ايه رأيك؟؟