موضوع قيم جدااااا ياام جمانه
طبعا مرت عليا بصمات كثيره
ايام الابتدائي للان ماانسي معلمتى الا درستنى التربيه الفنيه وحببتنى في المواد العمليه والفنيه ودايما اذكرها بكل خير وكمان معلمتى في الثانوى برضوا في المواد الفنيه دا اكتر شي خلانى اتوفق في دي النواحي جزاهم الله الف خير وللان استخدم طرقهم واعلمها
طبعا في بصمات سيءه في ايام المتوسط معلمة دين كانت شديدة جدا وكانت توقفنى كل حصه الين مره اتذكر دخت ومارحمتنى ياما دعيت عليها بس بعدها بي سنة اتوفت وهي بي تولد في المستشفى وزوجها كان منزل شكوى للطبيب لانوا عمل خطا طبي لمن شفت خبرها زعلت
وغير معلمة التاريخ الا صارلي معاها كم موقف وشكاوى لغايه ماحرمت من دخول اي فصل انا فيه
<<<كنت بريئه مدرى ليش كانوا عليا حسبي الله فيهم
وبصمة سيئة ت3 مدرسة لغه عربي في الثانوى كنت اموت فيها احبها دفترى كلو رسومات والوان وحركات ومااقصر في شي بس كانت مغرورة جداااا وتفرق بين الطالبات
بصمه حزينة حصلي موقف والحمدلله واحد من افراد عائلتى انقذنى من مصيبه وللان الجميله فوق راسي
طبعا المواقف كثيرة والبصمات مااراح اطول اكترر
احلى واروع بصمة في دا المنتدى بدون مجامله منك يااختى العزيزة في مواقفك معايا الا غيرت فيا اشياء كثيرة
واحلى بصمة لكى معايا تشجيعك ليا في معا نحو الرشاقه صراحه اول مره انزل زي كده الحمدلله
وماانسي كمان احلى بصمة اخوات عرفتهم في دا المنتدى الرائع الا هو اسرتى التانيه
مااقول الا الحمدلله انو الله سبحانه وتعالى جمعنى بيكم في هذا المنتدى الرائع
واتمنى اكون بصمه حلوة في حياة اي شخص
<<<قرقرت كثيرة
__________________
ياررب ارح قلبي وعوضني خير