اقتباس:
المشاركة الأصلية كتبت بواسطة kokar_2001
مساء الخير يا بنات
القصة دى انا جايباها لفلونا
انا حكيلكم قصه واحده صحبت اختي حكيتلي قصتها لما عرفت انى شلت القناه لاني بعد العمليه مش قادره اقللكم كانت النفسيه عامله ازاى الحمد لله على كل حال
بصوا البنت دي قالت لى انها لما اتجوزت محصلش حمل خالص ولا مره ولما بدات اروح عند الدكاتره طلبوا منها اشعه بالصبغه ولما عملتها اكتشفت ان في قناه مسدوده بلكامل والتانيه فيها شويه التصاقات بسيطه
المهم الدكتور بتاعها اداها منشطات وحقن وعلاجات وبعدين حملت لكن للاسف الحمل كان في القناه وطبعا عملت عمليه وشالت القناه ومفضلش غير القناه اللى مسدوده
والدكتور قاللها مستحيل تحمل طبيعي لازم بعمليه بس هي وجوزها معندهمش القدره الماديه علشان يعملوا عمليات
فقالت خلاص انا راضيه باللي كاتبهولي ربنا بس بتقوللى انا كانت بتدعي على طول وتستغفر ومفقدتش الامل في ربنا ابدا
وبعد 4 سنين بتقول كانت عندها امتحان قران والبريوت متاخره يومين فراحت للدكتور بتاعها علشان يديها حاجه تنزل البريوت علشان تعرف تروح الامتحان المهم الدكتور قالها تعمل تحليل الحمل قبل ما يكتبلها اي حاجه
وسبحان الله عملت ولقت نفسها حامل والدكتور قالها ان مستحيل حد يحمل بقناه مسدوده
والقصه مخلصتش على كده ماشاء الله وابنها الاولانى عنده 3 شهور حملت في التاني لام الدكتور قالها مش لازم تستخدم اي وسيله لان القناه مسدوده
وبعدين جابت بنت والبنت لسه مكملتش سنه حملت في البنت التانيه ولما ولدتها قالت لا مينفعش كده
وراحت منعت الحمل وعندها دلوقت ولد وبنتين عقبالكم كلكم يارب عاجلا ليس اجل
معلش يا بنات حدخل تانى اقرا اللى اتكتب كله
بحبكم ف الله
رب لا تذرنا فردا و انت خير الوارثين
|
ياه يا
كوكار القصه بجد جت على الجرح قوى وحسيت بيها قوى وحسيت كمان بعظمه ربنا وكرمه علينا ..فعلا يا بنات والله كلمه أن مع العسر يسر دى مش قليله ابدا وبجد صح ميه فى الميه ..العسر لما بيزيد قوى وبيصبح مستحيل ...بيجى يسر بعده و ويا الله مش أى يسر 3 اطفال يعنى يسر بالكومه ههههه
يا حبيبى يا ربى يا كريم .. لما بتعطى بتعطى من أوسع أبوابك وده بسبب الاستغفار والدعاء والله ما اجملهم عباده ...حتى لو مفيش سبب عاوزينوا من ربنا والله يا بنات الدعاء والتضرع لله لوحده عباده جميله بتطهر النفس قوى قوى ربنا يرزقنا يارب كلنا و شكرا يا كوكار على القصه اللى رفعت معنويتنا كلنا ...
معلش يا بنات مكنتش بدخل لانى كنت مشغوله وتفكيرى دئام بموضوع الحقن ... اتتوا عارفين كمان التكلفه مش سهله ...يعنى كنت بحاول أهيأ نفسى من جميع العوامل...وبحاول اخلى نفسيتى كويسه لانى بعرف ان النفسيه مهمه ... وبعدين سمعت ان موضوع التنشيط فى الحقن مش سهل وسبحان الله دخلت هنا لقيت كوكار كاتبه عنه ...فخفت قوى ..لكن متردتش لحظه فى عمل الحقن
حاسه انى هدخل موال كله تعب والم ربى يعيننى عليه ...بس هستحمل عشان يكون ليا بيبى...
بس هو صحيح يا بنات الحقن ممكن تؤدى للوفاه من شده التنشيط ؟ انا قريت كده قهل ده صحيح ربنا يسلم
عاوزه اقول ل
مرميس مبروك يا حبيبتى الحمد لله ان المششكله اتحلت داومى على العلاج عشان بطانه الرحم ترجع كما كانت وبادن الله الحمل يحصل بعدها على طول
نعيمه معلش مكنتش موجوده بس هاقولك ان أحسن شئ انك تستخيرى ربنا قبل اى شئ حتى قبل الحقن ولو ربنا كاتبلك الخير فى التلقيح أعمليه ....استخيرى ولو حسيتى براحه اعمليه لحد 3 او 4 مرات كمان لو عندك الصبر انا قلتلك فى كلامى ان ربنا بيرزق لو اراد مهما كان بس احنا بنختار الاسرع والاضمن والتوفيق والاراده طبعا من الله فى جميع الاحوال
واديكى شايفه قصه صديقه كوكار ...اراده ربنا فوق كل شئ ...والتلقيح والحقن دول مجرد اسباب ...بس بصراحه هيه دى الردود اللى قريتها فى النت على التلقيح وحبيت اوصلهالك مكنش قصدى انك تلجئى للحقن على طول على أد ماكان قصدى اديكى الطريق الاضمن والاسرع بدل تعب النفسيه والامل فى الحمل ثم ضياع الامل ده بعد الشر يارب عننا كلنا .....يارب تحملى من غير اى حاجه ربنا موجود والله الموفق لينا جميعا
جولى مبروك يا جميل ربنا يتملك حملك على خير
زهور الدعاء ياااااااااارب تكونى بخير دلوقتى طنينى عليكى
يولا أهلا بيكى معانا يارب نكون وش خير عليكى ....بس بعتب عليكى زوجك لازم يعمل التحليل لان اكيد فى سبب وان مكنش منك ...اكيد منه وممكن يكون مفيش سبب والموضوع كله بأيد ربنا بس لازم تعملوا التحاليل عشان يتاكد من وجود السبب من عدمه ربنا يقويكى ويعطيكى القدره على اقناعه لتكون اول الخطوات فى اكتشاف السبب والعلاج بأدن الرحمن
روح ومتفائله وأم يحيى عاوزاكوا دائما متفائلين الحمل هايحصل بأدن الله بس محتاج صبر الواحده بتقدر تحمل ليوم واحد بس فى الشهر اللى هو يوم التبويض ...والسنه فيها 12 شهر بس يعنى الفرصه 12 يوم فى السنه ....أصبروا شويه مكنتش الشهر ده هيبقى اللى بعده ...عليكم بالدعاء والله لا يرد حد أبدا
عارفين يا بنات انا من شويه كنت بتفرج على التلفزيون حاله لشخص عنده مرض خطير بالكبد والعياد بالله ومحتاج نقود يعمل العمليه كان بيكبى بكاء شديد وبيدعوا ربنا أمام الكاميرا ...حالته بجد خطيره
أتكسفت من نفسى قوى قلت انا عامله كل الهوسه دى عشان الحمل بس الحمد لله ان صحتى كويسه ...اتكسفت ادعى ربنا هاقوله ايه ..دا انا ولا حاجه بالنسبه للراجل ده
رجعت وقلت ربنا كرمه واسع...وقادر انه يستجيب لكل محتاج له ولكرمه اوعوا تقنطوا من رحمه ربنا ادعو كتييييييييييييييير ولو حتى تاخرت الاجابه
حاسه انى اتكلمت كتير ...بس كلكوا كنتوا واحشنى قوى ....باااااااااقى البنات بحبكوا وبسلم عليكوا واحده واحده لاتنسوا الدعاء والاستغفار
ربى لاتدرنى فردا وأنت خير الوارثين