كلام النائم.. على محمل الجد!!
السلام عليكم ورحمة الله
جيتم تصحون النصف الآخر
زوجك.............زوجتك
و بدأ النائم بالكلام
هل ترهفون السمع له والا تطنشون؟
هل تأخذون هذا الكلام على محمل الجد؟
هل تقعدون تسحبون في النايم يتكلم اكثر؟
هل تحققون معه اذا صحي؟
وش هي نظرتك لكلام النائم؟
انه مثلا خيالات لا راحت ولا جت؟
او العقل الباطن يتحدث بما يستحي يقوله العقل في الصحيان؟
زوجي يتكلم اذا غط في النوم .. ولا احاول اتسمع له ابدا ..لأني بصراحه اخاف من هالوضع ولا احب منظره فيه .. يحزني بعد
لكن
قبل كم يوم قال كلمه حسيت مالها داعي ( اتهام لي)
انا انصدمت .. وحسيته اصلا صاحي بس ظلام مو باين..
جيت قربت منه قلت ايش ايش؟
قال ( تضحكين)
جيت اربط بين الكلمات .. ما زبطت معاي
( الكلمه الاولى لحالها اتهام مع الثانيه تصير كأنه يمزح.. بس معقوله حتى ونايم يمزح؟او يتهم اساسا؟)
فحسيت انه فعلا مجرد لسان يتحرك بكلمات علقت فيه قبل لا ينام
لكن مره ثانيه
هو كم مره يقول لي : انتي تتكلمين اذا نمتي وانا اتسمع لك واسحب منك كلام
اقول له وش هو طيب
قال لا اشياء رح تحرجك مني( يعني اني اتكلم بأسراري وانا نايمه
)
مع اني اعرف انه مهو صحيح .. انام غالبا غالبا غالبا بعده
ونومي خفيف جدا جدا جدا بل اني اعاني من خفته
وقد ماعشت عند اهلي وانام عندهم احيانا بعد ماتزوجت عمر حد فيهم ماقال اني اتكلم
اصلا اعرف نفسي لأن نومي خفيف جدا ودي اغط في النوم زي ما اسمع من الناس
لو احد يدخل في الغرفه ويطلع مجرد طلوع دخول حتى بدون فتحة باب .. اصحى واستوعب انه دخل
وحتى لو انام قبله ويجي هو بعدي ويحاول قد مايقدر يكون هادي الا اني اصحى واحيانا تخرب نومتي واظل صاحيه اقل شي ربع ساعه واحيانا نص ساعه على بال ما ارجع انام
ودي اواجهه بالكلمه اللي قالهاواسأله انت في خاطرك شي؟
وودي اشوف وش قصده بدون ماينتبه بعد بس شلوووووون؟
ودي اطنشها .. بس فضووووووول .. مع ان عمري مادققت بكلامه الا هالكلمه !!
حسن الظن موجود .. اذا مو عشانه عشاني انا لا اقعد اهوجس واتحمل ظنون وهموم..
شتسوون محلي؟