صباح الخير يا قمرات



معلش غيبت عليكم الايام اللى فاتت كنت مشغولة بترتيبات السفر و اهو منها كمان تتعودو على غيابى لما انزل مصر



فلونا حبيبتى بصى يا قمرة انا اول مرة اسمع منك موضوع ان حد مات من فرط التنشيط دا خالص

اكيد اللى ماتت دى مكانتش بتابع مع دكتور

يعنى ركزى معايا كدة

انتى بتاخدى الحقن و بتروحى للدكتور من اليوم السادس مش من التاسع و بيشوفك يوم اه و يوم لأ يعنى بيكون عارف البويضات اخبارها ايه يعنى المفروض الدكتور اذا لقى التنشيط زايد يقلل الجرعة و اذا قليل يكتر الجرعة الموضوع مش هبل هو

لكن ممكن يحصل استسقا يعنى البطن تجمع ماية و دا تنزيها سهل يا بادوية يا بالشفط

معلش انا بقول كلام كبير بس عشان اكون امينة معاكى

و بالنسبة للحقن ايوة متعب نفسيا بكتير عن جسمانيا و الحمد لله ان ربنا كرمنا بالتقنيات دى عشان يكرمنا بالحمل
و انا مع اى وسيلة تقربنا من حلمنا حتى لو كنت حمشى على النار فانتى احتسبى المجهود اللى حتبذليه عند ربنا و ان شاء الله ربنا حيجازيكى
و عندى ليكى خبر تانى جميل
واحدة صاحبتى من التجمع التانى اللى قلتلك عليه الحمد لله ربنا كرمها بالحمل
و هى ايييييييييييييييييييييه؟
عندها الانبوبتين مسدودتين و كمان بطانة رحم مهاجرة و الغدة
يعنى الدنيا مش مظبطة
و الشهر دا كانت مكبرة دماغها من موضوع الحمل دا خالص و كانت بتخسس نفسها و بتروح الجيم و بتقولى كانت مثلا السرعة اللى تستحملها على الجهاز تكون 5 تكول كنت اعملها على 10 و 15 كمان عشان هى عندها هدف تخسس نفسها عشان كانت حتنزل مصر فى شهر 9 تعمل حقن و ربنا كرمها من عنده من غير اى حاجة
ربنا بس اراد
ربنا يكرمك و يفرح قلبك بأذن الله



فلوفة اخبار البيت الجديد ايه؟
يا رب يكون وش الخير عليكى

سؤال هى الداية دى بتعمل ايه؟
احنا عندنا فى مصر الداية دى اللى بتولد بدل الدكتور
و الناس المتعلمة بطلو يجبوها عشان تقريبا الكل بيولد فى المستشفى مع دكتور اعتقد ممكن يكون الريف المصرى بيستخدم الداية لسة بس الاغلبية بيروحو لدكاترة
قوليلى بقى الداية دى بتعمل ايه؟
بس انا شايفة انى مروحلهاش ابدا عشان تساعد فى الحمل انا بسمع على الممرخة و سمعت انها فادت بنات بس برضو فى دكتور جابوه فى التليفزيون قال انها لما بتعمل مساج للبطن بتخلى الرحم يحصله حاجة علمية بس مش فاكراها
يالا مستنيى تقوليلى الداية بتعمل ايه و تجربتك معاها ايه؟


نورا الف مليون مبروك على حمل اخت جوزك عقبالك انتى معاها مش بعدها لأ معاها
يالا شدى حيلك يا رب


نور اهلا وسهلا بيكى معانا و نورتى تجمعنا و ان شاء الله نكون وش الخير عليكى يا رب

غموضة عروستنا حبيبة قلبى
انتى اشتغل هسهس الحمل عندك بدرى كدة ليه
يا بنتى استمتعى بحياتك بعد كدة مش حتشوفى قدامك
ربنا يرزقك من واسع فضله بأذن الله

ام يحي انا بخير الحمد لله
و ان شاء الله كمان يومين حبتدى الشهر الرابع
ربنا يسهل اللى جاى بأذن الله



هموم الايام ربنا يكتبلك الخير دايما
الفولك اسيد مهم جدا لاى واحد بتفكر فى الحمل يعنى ممكن كل البنات ياخدوه من غير مشكلة
و البيبى اسبرين برضو مهم عشان يعمل سيولة "لحد ما" فى الدم عشان ان شاء الله لما يحصل حمل يكون سهل يوصل الدم للمشيمة
فالاتنين كوسين جدا و متقلقيش خالص منهم



زهورة الف سلامة عليكى و مش لازم اذا جالك فى اخر حمل يبقى حيجيلك فى الحمل دا
قوليلى بقى حلمتى بيا بايييييييييييه؟
يا رب يكون خير


دبدوبة هو فى سؤال انتى روحتى للدكتور؟


ديدو يا حبيبتى سيبى تكالك على الله و ان شاء الله خير بس متقعديش زعلانة كدة


جناح الرحمة
بصى انا حقولك على حاجة سهلة تعرفى بيها ان اللى عندك دا ولادة
هو فى حاجتين يا كيس الماية حيتفتح وا حيبقى ذى ما تكونى بتعملى بيببى على روحك و مش حتعرفى حتى تتحكمى فى نفسك خالص و تلاقى ماية بتنزل منك فى الارض مش سيول يعنى بس شوية شوية
يأما وجع الطلق
طب تعرفى انه طلق ازاى؟
لما يجيلك اول وجع فى ظهرك خبط او مغص شبه مغص الدورة او الاتنين مع بعض
تبصى على طول فى الساعة و لما يتكرر تانى تشوفى برضو اتكرر بعد اد ايه اذا تالت مرة اتكرر فى نفس الوقت او وقت قريب من اللى انتى حسبتيه يبقى دا طلق
يعنى اتكرر بعد 30 دقيقة تانى مرة و تالت مرة 30 او 25 يبقى فى طلق
دكتورى قالى اروح المستشفى لما يبقى كل 15 دقيقة
بس انا مكنتش حاروح لما يوصل لـ 15 دقيقة عشان كنت عاوزة اخد حقنة الظهر لانى مش بستحمل الوجع
و ربنا يتملك على خير يا رب



باقى البنات بحبكم فى الله




رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة