السلام عليكم يا بنات
كوكار حبيبتى ...تيجى مصر ان شاء الله بالسلامه .. فرحت قوى بقصه أختنا اللى حملت وعندها القناتين مسدودتين ..سبحان الله ربنا لما بيريد شئ بيقوله كن فيكون ...لا قنوات ولا ضعف تبويض ولا اى شئ ممكن يقف امام أراده ربنا ...والله الحاجات دى بتدينى أمل كبير جدا جدا ...مستنياكى فى مصر انتى وكريم ..
زهور ياطيبه ....والله انا مستنيه قصتك بفارغ الصبر ...كان نفسى اعرفها من زمان من اول حملك ودلوقتى مشتاقه اكتر انى أعرفها ...متغيبيش عننا ... ويا حبيبتى خلى بالك من نفسك جدا ان شاء الله الشهور دى تمر بخير ..وبدون متاعب يارب
دودى ...عاوزه اقولك يا حبيتى بجد طنشىىىىىىى ...مش عشان تسكتى وتهرى فى نفسك وتضايقى أنا عارفه ان كلمه عقيم تضايق ...لكن ظنشى عشان انتى رديتى عليها الرد اللى يوقف كل واحد عن حده ...قلتى حسبى الله ونعم الوكيل وفى وشها كمان ...أكيد الكلمه دى هزتها من جواها جدا ...لانك كده بأختصار أنتى بتوكلى ربنا انه ياخد لك حقك منها ... تخيلى لما يوصلها لها المعنى ده ...اكيد مفيش كلام بعد كده ...وصدقينى على رأى كوكار ( كله سلف ودين ) زى ما بنقول عندنا هنا فى مصر ....انتى فاكره انه مش هيتردلها ..أبدا ...هيتردلها واكثر ..فكرى فى نفسك بس وخليكى
أمام الناس اللى زى اختنا دى بالدات خليكى امامهم جامده وقويه وولا يهمك ..لان الناس دى والعياد بالله بتتبسط قوى لما تشوفك مقهوره ومكسوره ويصادوا بقى فى الميه العكره زى ما بيقولوا ...انا عندى ناس من العينه دى بالظبط زمان أول جوازى كنت هبله وكنت ببين جدا زعلى وقهرتى ...هما كانوا ما بيصدقوا تلاقى الكلام بقى اللى مالوش لزمه ...لكن دلوقتى لآ بقيت ولا يهمنى ...خليكى كده على طول ...وعموما الناس مابيعجبهاش العجب
على قوله جولى فينك يا متفائله روحتى فين ...لعل المانع خير ..
نورا 22 أختنا الجديده فينك يا بنتى مش بتشاركى معانا ليه ...يالا ادخلى واتكلمى وقولى لنا حالتك ووصلتى لفين وبتعملى ايه دلوقتى من علاجات وخلافه او ايه خططتك الجايه يعنى ناويه تعملى أيه لاجل الحمل أن شاء الله ...يالا مفيش وقت لازم كلنا ندور ونبحث وندعى الى ان يرزقنا رب العالمين يارب
بسلم على الجميع ...أم يحيى وديدو ومرميس وحلمى ونورا و يورنا و ملاك و وواحه حبيبتى يارب تكونى كويسه وبنتك بخير
وروح المسهوكه فينك راحت فين السهوكه ..؟؟
منى وغموض وغلا جلاجل يارب تكونوا بخير ....باقى البنات يارب تكونوا كلكوا بالف خير ..بحبكوا جميعا فى الله
__________________
التعديل الأخير تم بواسطة flouna ; 23-05-2010 الساعة 08:56 PM