زواج الاقارب ناجح بكل المقاييس ولكن له عيب واحد قوي وهو في حالة صار مشاكل او طلاق بين الزوجين لا قدر الله احتمال تكبر المشاكل بين العائلتين كبير..
بالنسبه للفضايح ممكن تكون بين العائلتين اللي مايقربون لبعض اكبر! يعتمد على شخصية الزوجين وطريقتهم بحل مشاكلهم ! بالنسبه للزوج كم سمعنا قصص عن المصائب والاشياء اللي تكتشفها الزوجة او الزوج بشريكه بعد الزواج؟ يعني العائله ميزتها انك عارفه بالضبط كيف الولد تربى وكيف عاش وكيف وصل للي هو فيه.. يعني ممكن تتزوجين رجال سمعتي عنه كل خير وبعدين يطلع معقد ويضرب نتيجة لانه تعقد بطفولته وكان ينضرب..
مع الاقارب انتي تعرفين من اللي يضرب عياله ومن اللي مهتم بعياله ومن العائله المحترمه الراقيه ومن العائله اللي ما تفضلين تعيشين معهم.. انا من ناحيتي متزوجة قريب لي واختي متزوجة واحد من خارج العائله.. الحمدلله كلنا مستقرات ومبسوطات بس فتره الخطبة انا كنت مرتاحه اكثر منها لاني عارفه الولد كويس واهلي كانو متطمنين.. اما اختي لين تزوجت وقعدت سنه مع زوجها وهم على اعصابهم يبون يتأكدون ان كل شي تمام..
طبعا احنا في عائلتنا مافيه اختلاط يعني تزوجت قريبي وانا ماقد جلست معاه وتجربتي في الزواج ما تختلف عن اختي كثير في استكشاف الرجل والتأقلم معاه يعني مو متربين سوا زي ما تقولون .. لكن اعرف ام زوجي زين واعرف ابو زوجي زين ومتزوجته وانا مرتاحة ومو شايله هم اهله يطلعون مصيبة زي ما بعض الناس واجهو.. وفيه ناس باقاربي مثلا لو يخطبوني لا يمكن اتزوجهم لاني عارفه كيف تربو وكيف تعامل اهلهم مع الناس زين..
وبالنسبه للمثل اللي يقول اللي يعرفك صغير يحقرك كبير انا ضده تماما في موضوع الزواج.. زوجي يكون ولد خالي والحمدلله ما قد صار مشاكل بيينا بس اتخيل لو صار مشكلة كبيرة ممكن يحسب حساب لعمته ويمكن ابوه مايرضا له يفشله قدام العائله مثلا يعني القرابه هنا نفعت وخدمت .. يعني القرابه تفرض احترامها احيانا.. انا احترم ابو زوجي اكثر من غيري لانه خالي الكبير قبل يكون ابو زوجي.. احس القرابة خلتنا نحترم بعض ونحسب حساب لبعض اكثر..
__________________
