الغالي : في الاتحاد قوة
قريت ردك الاخير والمشكلة الاساسية باول صفحة
عندك افكار غلط يالغالي هي الي دامرة حياتك مع البنت
1- الزوجة لازم تشارك بالمصروف ..
يالغالي هذا عرف وليس واجب شرعي ..
قارن معي لو انك تستمر على هالمبدا .. راح تستمر
مشاكلك مع هالزوجة او مع غيرها الى ما لا نهاية
لكن .. لو انك تقنع نفسك انك انت الرجل المطالب
بالنفقة بالي تقدر عليه وان فلوسها لها وشي من خصوصياتها
كانه مثلا زي غرفة العمل الخاصة فيها هل تتحكم فيها وبديكورها
لو انك تقنع نفسك بهالشي .. راح تكون حليت جزء من المشكلة
2- ما تروح بيت اهلها لا عصبت ..
سؤال ليش ماتروح ؟؟ انت شخصيا لو وديتها وهي معصبة
عندهم .. وش بتخسر ؟ ولا شي .. مو احسن من انها تقعد عندك
معصبة وواصله معها ممكن تنفجر باي لحظة ؟؟؟!!!!
اصلا انت الي مفروض توديها لبيت اهلها لو عصبت
او تبتعد عنها باي طريقة ..
بالنسبة لاهلك .. وكون بيتك هو بيتهم زي ماتظن
والله انا معك الى حدا ما عزيزي .. لكن هي حاسة
انهم ذابين بقوووووووووة .. يعني حاسة ان بيتها زي
المداس كل من بغا طبه .. وانت انك سامح بهالشي
مو حاط لرغبتها وخصوصيتها اعتبار
يالغلا انا ما اقول لا تدخل اهلك بيتك ابد ولا اقول خل
الوضع زي ماهو الحين متى مابغو طبو .. لازم هم بعد يفهمون
انه مو بيتك لحالك فيه انسانة مفروض يحطون لها اعتبار
رايي انك حاليا تمنع اهلك من انهم ينامون ببيتك نهائي مؤقتا
لين تحل المشكلة الاساسية بينك وبين زوجتك .. وتتفقون على:
1- انكم انت وياها كل واحد يتنازل عن القضايا الي رفعتوها
على بعض ..
2- تتصل عليها تقول لها ما راح افرض عليك تشاركين بالمصروف
ولا راح اخلى اهلي ينامون ببيتنا .. بالمقابل انتي وش تبين ؟
3- تجلسون شهر كامل بعد هالمكالمة ما تكلمون بعض .. عشان
تعطي نفسك فرصة تتقبل الااشياء الي تطلبها منك وهي بعد
تهدا اعصابها وتشوف مبادرتك وتنازلاتك ويلين راسها وتبدا تكون متسامحة
شوي بخصوص نوم اهلك ببيتك اذا اضطرو
الغالي في الاتحاد قوة .. تصرف الوالدة يوم غيرت المفاتيح ..
لا تسمح انه يتكرر مستقبلا ابد ابد اذا انت حريص ما تكبر المشاكل
بينك وبين زوجتك ..
موفق ان شاء الله
__________________
شتان .. بين من تسيره مبادئه ، ومن تسيره مصالحه