هل تشعرون بالنقص اخواتي المتأخرات؟؟
اشتركت بحلقة تحفيظ من كم يوم
واليوم فاجأتني الاستاذة بسؤالها : جوهرة انتي متزوجة؟؟<<يااارب هالسؤال يلاحقني وين ما اروح
ما تكلمت وأشرت لها براسي (لأ)
وبما أن السؤال كان على الملأ فكل البنات التفتوا عشان يعرفون ردي
فقالت لي بما انك غير متزوجة لازم تحفظين أوجه اكثر !!
لازم يحسسونك بالنقص وانك مسكينة ما عندك زوج ولا عيال
ليش هالتدخل بالخصوصيات وشنو يهمك تعرفون إذا متزوجة أو لأ ،، انا اجتهد باللي اقدر عليه ،،
كلما اروح لمكان جديد وناس مايعرفوني يسألوني هالسؤال ((متزوجة؟؟))
واللي يعرفوني وصار لهم فترة ماشافوني يسألون (( ليلحين ماتزوجتي؟؟))
وإذا ما سألوني مباشرة يسألون غيري ((فلانة متزوجة؟؟))
يعني الوحدة تبي تنسى هالسيرة لكن غصب يذكرونها بحالها بكل مكان وبكل وقت
حتى الفلبينية بالصالون تسألني انتي مدام ؟ يارب يجي عريس
حتى شغلي فكرت انتقل لمكان ثاني لأن تقريبا كل الطالبات اللي درستهم عرفوا اني مومتزوجة
وما ادري من وين يعرفون!!
طالبة مؤدبة وعاجلة تعجبت من جرأتها لما قالت لي وانا طالعة من الصف يارب يرزقك بالزوج الوسييم !!
والمرة ثانية تقولي هم انعمو عنك !!
ولما اقدم لطالباتي حلويات او هدايا يقولون لي يارب لما توزعين بعرسك << كرهت اعطيهم شي
ليييييش يحرجون الوحدة ويحسسونها بالنقص وانها غير عن الناس
وحدة من صديقاتي لما تزوجت كلما كلمتها تقولي الفال لك الفال لك الفال لك
يعني مادري تبي تحسسني انها صارت احسن مني
هل هذا تعمد منهم ؟؟ مرات احس ما وراهم غير احراج البنت
ياليت الناس يتركونا بحالنا ،، يعني لما الوحدة تسأل ويكون عندها غرض انها تخطب البنت مافي مشكلة،، لكن لكن المشكلة لما يكون مجرد فضول وتجريح
هل تحسون بهالنقص اللي احس فيه ؟ وإذا كانت الإجابة لأ علموني كيف أكون واثقة
__________________
يارب افرجها