هدي اللعب يابنتي انا متخيلة اللي انتي فيه الواحد بيكون بينزف

وعاوزة تردي صفعات الكلام ده كله ومش قادرة.. وكرامتك وجعاكي جدا والكلام ده عمر ماحد قالهولك .. انا متخيلة

وحاسة ان رده الفعل لازم تكون كبيرة وفي نفس الوقت الموضوع مايستاهلش يتكبر

بس شوفي انا برة الموضوع وحاسة انكم عمالين تغلطوا في بعض طول ما انتو عمالين تتكلموا .. اسكتي خالص وبطلي كلام خالص

اهدي شوية .. ومن رايي افضلي في البيت بس ماتتناقشوش دلوقتي عمالين تزودوا الهوّة مابينكم وكل واحد مش شايف التاني

استني يوم كدا لحد ماتفكري وتهدي وتلمي شتات نفسك ،، وافتكري رصيد الحب اللي في قلبك ليه،، والحاجات الحلوة اللي عملها

روحي صلي واستهدي بالله وادعي ربنا يلهمك الصواب

الموضوع صغير وكبر كبر كبر كبر زي مايكون شيطان ،، وشيطان عاميكوا وبتحدفوا بعض بالحجارة .. اقهريه وماتدلوش مساحة..

ادي لنفسك فرصة .. وكلمي اخوكي فهميه وقوليله الحقيقة .. واعتذريله دانتي اخته يعني

مش هيقاطعك ،، وحتى لو علاقتكم باظت في حته الثقة ، هتكون لفترة بسيطة ،، وبعدين هترجع تدريجي

يعني بذمتك اللي عملتيه في اخوكي ده وافشاء سره يكون مقابله خراب بيتك وطلاق !!

حاولي تتجنبي النقاش مع جوزك وقت الغضب وذورة الانفعال .. وتقوليله سمعا وطاعة او على الاقل الصمت الحزين

لحد مايهدا .. وبعدين كلميه ،، بس تكوني عاملة حركه مبينه فيها صدق نواياكي

وهو هيعاتبك عتاب المحب وانتي كذلك .. وهيعتذر كمان .. وانتي كمان .. بس صبرا جميلا

__________________