انتوا ليش تهاجموني بهالطريقة !!!
منو قال إني لازق بأهلي .. كل ما في الأمر إن أنا أهلي يعتبروني الأب لأن الوالد والوالدة مفترقين من وأنا بسن الخامسة عشر، ومن صغري متحمل مسئوليتهم عشان جذي أخاف عليهم وأبي أكون دايم جمبهم إذا احتاجوني. هل هذا معناه إني لازق فيهم كالحرمة !!!!!! وهل أنا طلبت الكثير إذا بغيت زوجتي تسكن بمسكن منفصل عنهم ولكن بقرب بيتهم !!!
والرجل الطيب قالها بنفسه .. إن الرجل هو من يملك تحديد مكان الإقامة !! وحجتها بمكان الإقامة الجديد واهية. حجتها إنه بعيد جدا عن دوامها مما قد يسبب لها التأخير صباحاو كذلك التأخر في العودة. ولأنه قريب من منزل أهلي والآن أصبحت علاقتها بينهم لا تتحمل. وكل مشاويرها وبيت أهلها بعيد عن السكن الجديد. (بذمتكم هذي حجج) !!! أنا أبي وسيلة إقناع أقنعها فيها مو أكثر.
وأحيانا أبي أسولف مع أخوي أو أختي باعتباري كالأب لهم. صحيح أخوي 28 سنة واختي 25، بس مازالوا يعتمدون علي بكثير من الأشياء. فأحيانا أحب يقعدون عندي بالبيت برة جو بيتهم. تقوم زوجتي تقولي وليش ما تخليك نايم عندهم أو تطلعون تسولفون برة .. ليش سوالفك معاهم على حساب خصوصيتي وراحتي !!!! يعني ماااااااااااا تقدرني كزوج وما تهتم لطلباتي وأنانية كل تفكيرها براحتها وخصوصيتها. هي من الآخر تكرهم خاصة بعداللي صار مؤخرا.