يا إخت روح الطير .. وحتى لو افترضنا جدلا إن أم زوجك نفس أمي ... على الأقل إنتي قدرتي تحافظين على بيتك وطاوعتي زوجك وتحملتيه وصبرتي عليه وأخذتي على قد عقله.
بس هي ما سوت جذي وأثارت الطلاق على إنها تتحمل وتقدر وتصبر على زوجها.
آخر أخبار الأخت إني أمس بليل كلمتها الساعة 10:30 وكانت طالعة هي وصديقتها، وعصبت عليها ليش طالعة متأخر روحي ردي بيتكم. وقالتلي بكل هدوووووء وبرووووود: يعني إنت الحين ما تدري عني أي شي صارلك جم يوم، ولا تعطيني حقوقي وواجباتي عليك، ولا أعرف عنك شي، وبس تكلمني تقولي ليش طالعة متأخر إنت مستوعب شنو قاعد تسوي إذا إنت خايف علي ومزعلتك طلعتي خلينا نتفاهم ونعيش ببيت ثاني وتردني عندك مو انا بصوب وانت بصوب وتزعل ليش انا طالعة هالوقت !!!!
بالله هذا حجي !!!!!! أكو زوجة يقولها زوجها ردي بيتكم تقوله هالكلام هذا ولا هامها وهي للحين لازالت على عصمتي !!! انتوا شنو رايكم .. اشلون أرد وحدة قاعدة تعصي كلامي !!!!