المشاركة الأصلية كتبت بواسطة أخت أمة البديع

بتعرفي يا أختي يا بنت مكه لما قرأت موضوعك حسيت كأنك عم تحكي عن حالي
حقيقة من فترة صار معي متل ما صاير معك
صار عمري 30 سنة وإلى الآن ما شاء الله لي الزواج
خواتي كلهم تزوجو الأكبر مني والأصغر مني وبقيت في البيت لحالي
بالفترة الأولى مشيت الحال لكن بعد فترة تغيرت صرت دائما مكتئبة وحزينة وما نفسي على شي أبدا
يعني لا طلعات ولا عزايم ولا اهتمام بالنفس كل شي صار عندي عادي وما عاد شي يفرحني
وكل إلي حوالي انتبهوا لأنو هي مو طبيعتي
أنا الحمد لله متدينة وأخلاقي طيبة واجتماعية بشهادة الجميع
مشان هيك لما اتغيرت الكل لاحظ علي
بقيت فترة من 4 إلى 5 شهور على هالحال
مكتئبة لأنو ما اجى نصيبي وكل إلي حوالي ومن سني اتزوجو وكمان أولادهم بالمدارس
صار موضوع الزواج منغص علي عيشتي
لكن بعدين بنت عمي الله يجزيها الخير نبهتني على نقطة كانت رايحه عن بالي
الدعاء الدعاء الدعاء
قالت لي التجئي الى ربك انو يفرج همك
وبالفعل لما التجأت لرب العالمين بالدعاء وبالشكوى وبالصلاة وقراءة القرآن
ارتحت كتير وكل الحزن إلي بقلبي راح
بتعرفي اختي بعرف اني طولت عليكي
بس حاسه فيكي كتير كتير وبدي ولو شي بسيط اقدر ساعدك
بتعرفي انا الآن صرت فكر كيف كنت غبية لما حصرت حياتي بالتفكير بالزواج
ليش الحياة بس زواج
لا الحياة أولا وآخرا عبادة وعمل فلازم نستغل الفرص بأي طريقة حتى نشغل نفسنا بكل شي مفيد ونخرج من دائرة التفكير بالزواج فقط أو انو نحن قاعدين وعم نستنى العريس
لازم نعيش حياتنا على هالاساس
لازم نكون مؤمنين بالله ومتعلقين فيه لأبعد حد
لازم نجعل همنا الأول والآخر مرضاة الله وبإذن الله الله بيرضينا
فكري كيف لازم تطوري حالك روحيا ونفسيا وعمليا
يعني لازمي الصلوات والسنن والتهجد وقراءة القرآن والأذكار والاستغفار والله مفعولها عجيب
كمان طوري نفسك من ناحية مثلا إذا بتقدري تاخدي دورات تثقيفية فلا تقصري
واذا بتقدري تشتغلي في اي وظيفة او عمل تطوعي بكون احسن واحسن
بالمختصر المفيد لا تخلي عندك وقت فراغ للتفكير باي شي ينغص عليكي
بس اهم نقطة بالموضوع القرب من الله عز وجل والدعاء والتضرع فالله يحب العبد اللحوح
كتير بتأسف منك على الاطالة
ودمتي في أمان الله
طمنيني عنك