والله يا ام جمانه اجيتي بوقتك الله يسعدك تابعي معاي لاني في حاجه ماسه للنصيحه
بالنسبه للوزع الديني انا دايما بحكيلهم و بفهمهم انه هدا حلال و هدا حرام كان هدا الشيء ينفع زمان لكن حاليا الصراحه لا لانه جواب ابني بيكون انه ليش كل اشي عندنا حرام مع اني والله مرتين بوديهم على المسجد في الاسبوع غير متلا وقت صلاة الجمعه ادا بيكونوا معطلين كمان بوديهم لكن المشكله الي عم تواجهني همه اصحابه و انا مش قادرة ابعده عنهم و ابوه ما بيشد عليه كثير على اساس انه الطفل فاهم انه اي شيء ممكن يتصل على الشرطه سواء لي او لاي حد و هده بالنسبه للعرب كارثه و مصيبه لا نهم بياخدوا الاولاد و بيعطوهم لاسرة اجنبيه تربيهم و انا ما بدي اوصل للمرحله هذه مشكلتي مع ابني الله يهديه العناد و حتى لو كلمته بالسياسه بيسمع و بيوحيلك انه خلص اقتنع بالشي اللي انتي بتحكيه بس بيرجع ينفذ اللي براسه ولا كاني حكيت شي بصراحه احيانا بحكي اسيبه يعمل اللي بده اياه بس ما بيهون علي لاني عارفه في الاخر شو بده يصير والله ياما شباب عرب انقتلوا قدام اهاليهم بسبب ممشاهم البطال او تورطوا في مخدرات و بلاوي و انا واللا هالموضوع مسيطر على تفكيري
ومش عارفه شو اعمل الصراحه زوجي مش متدخل وحاسس بالعجز امام الولد للسبب اللي حكيتلك اياه وكمان ملتهي بشغله انا الصراحه بفكر اخد ولادي و انزل فيهم على بلدي ليتربوا على الدين والعادات و التقاليد اللي احنا تربينا عليها بس متردده يا ريت لو عندك نصيحة او راي انك تحكيها و شاكره الك