ظلمج عمج واايد

زوجج غصب واهلج توهم متوفين اسبوعين..!!

والحين بيطلقج منه

كانج لعبة بيده

انا مانتقد عمج كشخص لكن انتقد تصرفاته

لو انه مخليج مربيج مع بناته بدون مايزوجج ولده كان افضل لج

الحين زواج بالغصب ومافي استقرار لان ولده مارعاج وانتي اليتيمة ولا الحين ادا تطلقتي وحملتي لقب مطلقة وانتي بهالسن الصغير من العدل

انا برايي لو انج تركتيه حاليا وماتكلمتي له عن حالج مع ولده افضل

الحين الافضل انج تتناسين زوجج وانج زوجه تماماً وحاولي تتحاشينه كثر ماتقدرين

وتركزين على دراستج وتجتهدين فيها يعني تجعلين من ظروفج الصعبة الي تحيط فيج هدف علشان تحققين شي يسندج في حياتج لانج ضعييفة حاليا

كملي دراستج الثانوية وكافحي وحاولي تكملين دراستج الجامعية وحاولي تشتغلين اسعي اسعي كثر ماتقدرين على نفسج

واهم شي حبي نفسج وكوني شخصية محبوبة وقوية ولابد الله يعينج ويسعى معاج

ولا تنسين ان الله يقول في محكم كتابه : " وخلقنا الانسان في كبد"

يعني خلقناه في محنة ومشقة

يمكن انتي ظروفج صعبة صارت... وغيرج الي بسنج مرفهين ويعيشون احلى عيشة في كنف اب وام حنونين

بس لا تنسين ان الله بيعوضج بالافضل من حياتج لانج صابرة على البلاء هذا

وادا قوى عودج وصار عندج سلاح الشهادة وشخصيتج قوية بعدها تقدرين تطالبين بحقوقج وتتمريدين على الوضع المرير هذا اما بالطلاق او حياة زوجية كريمة


الحين انتي مجبورة تسوين جذي لانه ماعندج مكان تلجأين له غير بيت عمج

حاولي تتكيفين مع الظروف واقهريها انتي بإرادتج

ترى تقدرين عليها

وانتي قوية لان قويتي على ظروفج هذي وصبرتي

صبرج هذا قووة ....

انتي عظيمة يا بارودة ^.^

استمري على قوتك هذه

دائما ضعي في ذهنج انج قوية وانج تستطعين تتغلبين على هذه الظروف

رددي يوميا هذ هالتمارين في عقلج الباطن:


انا استطيع ان اتغلب ..
انا استطيع ان ادرس واتفوق

انا استطيع ان انجح في حياتي كلها العملية والعلمية

أنا استطيع ان اكون زوجه ناجحة بإذن الله

يوميا شجعي نفسج وحبيها وحاولي تدللينها


والقلب داعي لج
والله معاج حبوبة ^.^

طمنينا عليج

__________________