السلام عليكم ورحمة الله و بركاته
صدق الي قال انو عايشين في عصر السرعة
شوفو شو صار معي
قفلت معكو وكان النزف خف شوي يعني قادرة اتحرك دخلت المطبخ افطر مع ابني ويعني وكنا مقررين نروح بعد صلاة الظهر
وكنت شايلة الحفاض عن ابني عشان اغيرلو
وفجاااااة رجع الكتل والدم بطريقة غير معقول دخلت الحمام وصرت ابكي ماتتخيلو الاحساس المرعبببببببب
كان غريب جداااا
وقفت في البانيو ونفس الامر وناديت زوجي وانفجع المسكين من المنظر وصار يقول بسم الله شو هادا
وانصدم كتير وراح جبلي ملابس داخلية وحفاضة كبيرة من تبعت الولادة وقلي عالمستشفى فورا
لبست بالف عافية وكنت خلص دخت كتير
واحترنا في الاولاد يقطع الغربة امين
كنا حناخد البنت معنا وقلنا نسكر على فهد في غرفته فكرنا حنرجع بسرعة
بعدين حسيناها افكار غبية والله هدانا اتصلنا على صديقنا واحضر زوجته وهية ترضع الحمدلله
وكانت فوز مسكينة وقت رضاعة
وقلنا نروح ونسكر عليهم بدون مفتاح على بال تيجي الست صديقتنا
نزلنا تحت وسكرنا الباب وانا تقطع قلبي عليهم سامعة البنت مجنونة بكا والولد لاافطر وشالح ملابسه مسكيييين
كنت ناوية ارضع واخرج بس ماكان في مجال ابداااااا
والحمدلله وصلت المراة بسرعة واطمنت شوي هية والدة من 5 شهور الحمدلله ترضع ابنها
رحنا الطوارئ بسرعة وانا كنت مفجوعة جدا بعيد عنكو مصدومة فوق متتصورو وخايفة حاسة انو اشي مخيف جدااااااا
قاعدة بدون ادنى مبالغة زي الحنفية المفتوحة تنزل دم ومايوقف ابدا
وكل شوي كتل كتل كبيرة حاساها تنزل اصير بدي اوقع وزوجي يسندني
الكارثة المستشفى خاص يانورا عاملوني كاني دجاجة على اقل من مهلهم انا بدي انجن اقلهم قاعدة بصفي دم
بكل معنى الكلمة كنت بصفي دميييي
وهما بنتظرو يتصلو عالدكتورة
والدكتورة باردة على اقل من مهلها قال اعملولها سونار يمكن بقايا ولادة
وانا اترجاهم بشي يوقف النزيف حنفية دم ومو فاهمين ولا مستوعبين ودخلوني قسم الولادة ناديت الممرضة ووريتها الوضع الماساوي وانصدمت
واتصلت عدكتورة المشفى راحت قالت مابقدر ادخل عشان الدكتورة تبعتي ماتزعل
عمركو شفتو
انا جاية انزف وهما خايفين على زعل الدكتورة والدكتورة باردة ومااجت
بالاخر زوجي كان حيكسر الدنيا وقالو على مسؤوليتي نادو دكتورةى المشفى
حطولي شوية ادوية نزيف ومحلول
وخف شوي
نزلوني اعمل سونار
طلع قال شو بقايا ولادة مع قرب الدورة راح كلو نزل سوا
وانا مش مقتنعة ابدا بالموضوع
الي شفتو بقايا ولادة 50 امراة مش ولادة وحدة
ماصدقت للان مش فاهمة القصة
لانو الدم والكتل ماكان سوداء مثل دم الولادة لا كانت زي دم طازج
وضليت على الحال ننتظر الدكتورة وخلوني اصوم عشان حيدخلوني عمليات
وصارو يفحصوني داخلي وتوجعت جدا من الخياطة الي لسة طازة انجنيت
وزوجي مسكييييييييييين كان مكتير خايف ومعصب ويهزء فيهم على اسلوبهم الغير انساني
وماكان معي غيرو بعد الله
مسكين كل شوي ينزل يجيب ادوية
يعني اغبياء يكتبو ادوية مفروض هما يجيبو كل شيء بالاخر نحاسب
لااا زوجي ينزل يجيب وهما يحطو المحاليل والادوية
غباء تحدى المقاييس كلها
وصار يسرخ ويقلهم حتموت زوجتي وانتو باردين
بعدين قمت اروح الحمام المساعدة مامانعت
وهناك
دخت وبطلت اشوف الدنيا وحسيت حودع خلص
لانو مهما قلت لكو عالكمية الي نزفتها ماحتصدقو نادو الممرضة وانصدمت كيف اخدوني الحمام بتقلي كانت حتيجيكي سكتة قلبية من كتر النزيف وانت واقفة في الحمام وعرق زي المية ووشك اصفر زي اللمون
اخدوني وعالمحاليل فورا و رفعو رجلية
وتحسنت حالتي ومنعوني من الحركة واتصلو عالدكتورة قالت اعملولها قسطرة لو بدها تتدخل الحمام ماتدخل ولا تتحرك
وهيييييييك من ال12 للعصر واحنا ننتظر الدكتورة المحترمة
جت وفحصتني وقالت الرحم مفتوح اصبع وبدها تدخلني تنظيف وعمليات فورا لانو حالتي لاتتحمل انو اخد ادوية واروح البيت
احتمال يرجع النزيف قالت خطر عليكي شديد
دخلت العمليات وخدروني ونظفوني وطلعت
وروحنا بعد العشاء
ولكم ان تتخيلو انا طول الوقت متوترة وببكي وميتة رعب على اولادي
والناس يطمنوني انو خلص زال الخطر مفكرين خايفة على نفسي
كنت خايفة يصيرلي شي ابعد عن زوجي واولادي
وقاعدة اتخيل منظر بنتي وهية جعانة كيف تفتح تمها عشان ترضع وصرت ابكي
واتزكر فهود
وندمت لاني كنت الفترة الي فاتت عصبيية عليهم الاتنين من التعب والغربة
وصرت اترجا وادعو الله يرجعني لزوجي واولادي سالمة
وجلست استغفر قد مقدرت
دخلت العمليات وعدت على خير
الحمدلله
ولكن دايخة جدااااا ووشي اصفر وجمالي تدهور
ورجعت البيت مش مصدقة شفت فهود وصار يبكي رغم انو كان ساكت طول الوقت لما شافني تزكر نفسه الظاهر
والبنت تبكي طول الوقت حاسة حبيبة قلبي
وعدت على خير والله كنت فرحانة انو ولادتي هاي كانت سهلة جدا ماشاءالله و لما دخلت سرير الولادة و صرت اعمل دفع لراس البنت ولما خرجت ماكانو 10 دق بالكتير ازا مش اقل
وكنت اقول ايييييه الحمدلله مو معقول طلعت بدون بلاوي ههههههههه
راحت اجتني الهنا بعد 25 يوم
ومازلت غير مصدقة انها بقايا ولادة
استنتجت من الي صار
مافي وحدة تولد بدون ميصير معها شي تحفة
المرة نزيف مرعب
المرة الي فاتت مشيمة ملتصقة
الحمدلله في ميزان حسناتنا
انا متعبة جدا
دعواتكم اصح بسرعة
والله يرزق زوجي رزق حلال واسع
والله زوجي ابن حلال ماشاءالله عليه يستحق كل خير
حتى الدكتورة لما دخلت العملية حسيتها حزنانة علينا رغم انو كل مرة تقلي انت دلوعة وشدي نفسك
المرة كانت متعاطفة وتقلي ماتخافي وبترجعي لولادك
زوجك واضح طيب محترم وبحبك
حزنتنتي صراحة
حبيت اطمنكم
كان يوم عصيب وعدى على خير والله لا يوريها لاحد فيكم حنفية الدم الي كانت فية اعوذ بالله احساس لايوصفففففففف
خالة جرين انا اخدها القرفة عشان تنظف الرحم من بقايا الولادة لانو المرة الي فاتت مااخدت كويس وضل عندي شوي بقايا واخدت ادوية لنزلت وطول عليى الاربعين للشهرين ووزيادة
نورا ياحبي هاي مستشفى خاص لكن صاحبها غبي بعيد عنك مش مكلف حالو يطورها او يطور نظامها
ولانو في اليمن تعرفي مستوى المستشفيات فهوة ضامن الناس الي يخافو على حالهم جايين عليها
مالت عليه صحيح
نظامها متخلف وغبي
كل شوي زوجي يطلع من الارضي للرابع والعكس عشان يشتري ادوية
من امتا المرافقين يعملو هيك مفروض هما يجيبو كل شيء و يحاسبو
لا وملابسي كانت مليانة دم وعالارض واجتني المساعدة فراشة اعتقد تقلي شيليهم وحطيهم في هادا الكيس وخديهم بس تروحي
انا نازفة دم يوزع على بلد وممنوعة من الحركة وهية تقلي شيلي ملابسك
شلتهم وامري لله شو حقلها
شكرا لكل من سال عني
ودعواتكم لنا
وانتظر ايضا راي الاستشارية
طيب كريستالا مافي كلمة سلامتك 
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت